ប្រទេសកូរ៉េខាងត្បូង នៅថ្ងៃព្រហស្បតិ៍បានរាយការណ៍ថា មានអ្នកឆ្លងវីរុសកូរ៉ូណាបន្ថែមចំនួន ១៥២នាក់ បណ្តាលឲ្យតួលេខនៃអ្នកឆ្លងសរុបកើនដល់ចំនួន ៨.៥៦៥នាក់។
តួលេខនៃអ្នកឆ្លងថ្មី កើនឡើសលើស ១០០ករណីជាលើកដំបូងក្នុងរយៈពេល ៥ថ្ងៃចុងក្រោយនេះ។
ក្រៅពីអ្នកឆ្លងថ្មី ក៏មានអ្នកស្លាប់ចំនួន ៧នាក់បន្ថែមទៀតដែរ ហើយរហូតមកដល់ពេលនេះ មានអ្នកស្លាប់សរុបនៅកូរ៉េខាងត្បូង ចំនួន ៩២នាក់។
មនុស្សចំនួន ៤០៧នាក់បានជាសះស្បើយពីវីរុស និងត្រូវបានអនុញ្ញាតិឲ្យចេញពីមន្ទីរពេទ្យ ហើយតួលេខអ្នកជាសរុបកើនដល់ជិត ២.០០០នាក់។
សូមបញ្ជាក់ថា វីរុសកូរ៉ូណា ឬ COVID-19 កំពុងវាយឡុកពិភពលោកយ៉ាងខ្លាំងចាប់តាំងពី ចិនរកឃើញករណីដំបូងកាលពីខែធ្នូ ឆ្នាំមុន។ រហូតមកដល់ពេលនេះ វីរុសដ៏កាចសាហាវនេះ បានផ្តាច់ជីវិតមនុស្សជិត ៩.០០០នាក់ និងឆ្លងទៅកាន់មនុស្សជាង ២០០.០០០នាក់ទូទាំងពិភពលោក៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua