ប្រទេសអ៊ីតាលីបានកត់ត្រាចំនួនអ្នកស្លាប់ដោយសារវីរុសវីរុសផ្លូវការខ្ពស់បំផុត ក្នុងរយៈពេលមួយថ្ងៃ ចាប់តាំងពីករណីដំបូងត្រូវបានរកឃើញនៅក្នុងប្រទេសចិនកាលពីចុងឆ្នាំមុន (២០១៩)។
កាលពីថ្ងៃពុធ ប្រទេសនេះបានរាយការណ៍ថាមានអ្នកស្លាប់ថ្មីចំនួន ៤៧៥ នាក់ ពី Covid-19 គឺមួយថ្ងៃបន្ទាប់ពីគេមើលទៅដូចជាការឆ្លងវីរុសនេះនៅអ៊ីតាលីបានចាប់ផ្តើមថមថយ។
ទីភ្នាក់ងារការពារជនស៊ីវិលរបស់ប្រទេសអ៊ីតាលីបានប្រកាសថា ករណីថ្មីនៃ Covid-19 មានចំនួន ៤.២០៧ ករណី ដែលចំនួននេះកើនឡើងពី ៣១.៥០៦ ដល់ ៣៥.៧១៣ ។
តួលេខថ្ងៃនេះមានន័យថា ចំនួនប្រជាជននៅប្រទេសអ៊ីតាលីដែលត្រូវឆ្លងជំងឺនេះមាន ៣៥.៧១៣ នាក់ ក្នុងចំណោមអ្នកជំងឺ ៤.០២៥ នាក់ បានជាសះស្បើយ និង ២,៩៧៨ នាក់បានស្លាប់។
ការឆ្លងវីរុសកូវីដ ១៩ នៅអ៊ីតាលី បានថយចុះក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីប្រទេសនេះបានចាត់វិធានការដាក់ដាច់ដោយឡែកពីគ្នា ដើម្បីបញ្ឈប់ការរីករាលដាលនៃវីរុសជំងឺ។
ចំនួនដ៏ខ្ពស់នេះ ត្រូវបានគេចាត់ទុកថា គឺខុសគ្នាទ្វេដង បើធៀបនឹងប្រទេសចិន ដែលកាលពីពេលផ្ទុះឡើងវីរុសដល់ចំណុចខ្លាំងបំផុត អ្នកស្លាប់ឡើងដល់ ១៥០នាក់ប៉ុណ្ណោះ ក្នុងមួយថ្ងៃ ៕
ប្រែសម្រួល៖ លឹម ហុង (ប្រភព៖ dailymail)