អគ្គនាយកនៃនាយកដ្ឋានប្រយុទ្ធនឹងជំងឺឆ្លងនៃប្រទេសថៃ បានប្រកាសថា មានករណីឆ្លងវីរុស Covid-19 ចំនួន ៦០ ករណីដែលត្រូវបានបញ្ជាក់ថ្មីៗនេះ។ ៤៣ នាក់ ក្នុងចំណោមអ្នកឆ្លងទាំងនោះ ត្រូវបានផ្សារភ្ជាប់ជាមួយនឹងពហុកីឡដ្ឋានប្រដាល់ កន្លែងកម្សាន្ត និងពិធីសាសនា។ ករណីចុងក្រោយនេះគឺជាចំនួនករណីថ្មីខ្ពស់បំផុតនៅក្នុងប្រទេសថៃក្នុងរយៈពេល ២៤ ម៉ោង ដែលធ្វើឱ្យចំនួនអ្នកឆ្លងសរុបកើនឡើងដល់ ២៧២ នាក់។ ក្នុងនោះមនុស្សម្នាក់ត្រូវបានគេរាយការណ៍បានស្លាប់។
ស្របពេលដែលវីរុសកូវីដ ១៩ នេះកំពុងបន្តកើនឡើង រាជរដ្ឋាភិបាលថៃ ក៏ដូចក្រសួងពាក់ព័ន្ធ បានណែនាំប្រជាពលរដ្ឋទាំងអស់ បើពុំមានការចាំបាច់ គួរផ្អាកទៅកាន់ទីកន្លែងសាធារណៈមួយរយៈសិន ដើម្បីបង្ការឆ្លងជំងឺឆ្លងនេះ ។ ហើយកាលពីពេលថ្មីៗនេះ រាជរដ្ឋាភិបាលថៃ ក៏បានចេញបទបញ្ជាឲ្យបទកន្លែងកម្សាន្តល្បីៗ ហាងម៉ាស្សា ខារ៉ាអូខេ ហើយសូម្បីសង្វៀងប្រដាល់ និងជល់មាន់ ។
ដោយឡែក ថ្មីៗនេះ អ្នកប្រើប្រាស់បណ្តាញសង្គមពិតជាមានការភ្ញាក់ផ្អើលជាខ្លាំង ខណៈឃើញតារាកំប្លែងតារាកំប្លែងដ៏ល្បីថៃ Mum Jokmok ក្នុងរឿង «កែងឆេះជង្គង់ហោះ» និងក៏ដូច «អង្គរក្សមុខខ្មូត» បានបង្ហោះរូបជាច្រើនសន្លឹកជាមួយនឹងគ្រឿងប្រដាប់ប្រដាបរិភោគផ្ទុកពេញគូទឡានរបស់គាត់តែម្តង ក្នុងមានដូចជា៖ ទឹកត្រី ទឹកស៊ីអ៊ីវ ប្រេងឆា អំប៊ល ស្ករ ប៊ីចេង ពងទា អង្គរ ។ល។ ដើម្បីបំរុងទុកក្នុងអំឡុងពេលវីរុសកូវីដ១៩កំពុងផ្ទុះ ។
លោកបាននិយាយថា មិនត្រឹមតែគ្រឿងទេសទេ លោកក៏បានធ្វើម្ហូបដែលអាចកម្តៅ និង រក្សាទុកបានយូរថ្ងៃផងដែរ ព្រោះលោកមិនសូវចង់ទៅផ្សារទេ ក្នុងអំឡុងពេលដែលរដ្ឋាភិបាលណែនាំឱ្យនៅផ្ទះរៀងៗដ្លួន ដើម្បីគេចពីវីរ៉ុសដ៏សាហាវ COVID-19 ៕
ប្រែសម្រួល៖ លឹម ហុង (ប្រភព៖ posttoday)
