កំពង់ធំ៖ សមត្ថកិច្ចខេត្តកំពង់ធំ ប្រកាសរកសាច់ញាតិ សព ករណីគ្រោះថ្នាក់ចរាចរណ៍ បើករថយន្តដឹកអាល់កុល បុកបង្គោលភ្លើងផ្ទុះឆេះស្លាប់ម្នាក់ ដែលកើតហេតុនៅ ព្រហស្បតិ៍ ទី១៩ ខែមីនា ឆ្នាំ២០២០ វេលាម៉ោង ២៣ និង៤៥ នាទី លើផ្លូវជាតិលេខ៦ គីឡូម៉ែត្រលេខ១០៧/១០៨ ចំណុចភូមិ រំចេក ឃុំទ្រៀល ស្រុកតាំងគោក ខេត្តកំពង់ធំ ។
ស្នងការនគរបាលខេត្តកំពង់ធំ បានរាយការណ៍ករណី គ្រោះថ្នាក់ចរាចរណ៍ បង្កដោយខ្លួនឯង រថយន្តម៉ាកស៊ីណាដឹក (ទឹកអាល់កុល) ក្នុងទិសដៅត្បូងមកជើង បានរ៉េចង្កូត ធ្លាក់ផ្លូវមកបុករះបង្គោលភ្លើង របងមុខផ្ទះ ខាងស្តាំដៃ បណ្តាលឲ្យឆេះរថយន្ត និងស្លាប់អ្នកបើកបររថយន្តនៅនឹងកន្លែងកើតហេតុ។
កិច្ចប្រតិបត្តិការ កម្លាំងចូលរួមអន្តរាគមន៍ ចំនួន១៩ នាក់ ប្រើប្រាស់បំពង់ពន្លត់អគ្គីភ័យអស់ចំនួន ៥ បំពង់ រថយន្តទឹកអគ្គីភ័យ មកពីអធិការរដ្ឋានស្រុកបារាយណ៍១ គ្រឿង ប្រើប្រាស់ទឹកអស់ចំនួន ១ រថយន្តស្មើនឹង ៤ ម៉ែត្រគូប ទើបរលត់ទាំងស្រុង មិនបណ្តាល
ឲ្យឆេះរាលដាលខូចខាតទ្រព្យសម្បត្តិអ្នកដទៃ ។
យោងតាមការសន្និដ្ឋានរបស់សមត្ថកិច្ច មូលហេតុពីអ្នកបើកបររថយន្ត មានល្បឿនលឿន ស្ថិតក្នុងស្ថានភាពងងុយដេក ។
អ្នកបើកបរមិនស្គាល់អត្តសញ្ញាណ និងរថយន្តម៉ាកស៊ីណាពណ៌ ពាក់ផ្លាកលេខ ភ្នំពេញ 2BA-4837 ឆេះអស់ទាំងស្រុង។
ករណីខាងលើនេះ សមត្ថកិច្ច កំពុងធ្វើការស្រាវជ្រាវសាកសព យកមក តម្កល់ទុកនៅក្នុងវត្តដា ស្ថិតក្នុងឃុំទ្រៀល និងវត្ថុតាង រថយន្ត១ គ្រឿងរក្សាទុកនៅកន្លែងកើតហេតុ៕ ដោយ៖កូឡាប