មេបញ្ជាការកងទ័ពជើងគោកប្រចាំតំបន់ទី ៤ លោកឧត្តមសេនីយ៍ឯក Pornsak Poonsawat បានបញ្ជាឱ្យបិទប៉ុស្តិ៍ត្រួតពិនិត្យបណ្តោះអាសន្នតាមព្រំដែនថៃ – ម៉ាឡេ ចំនួន១៣កន្លែង ដើម្បីការពារការរីករាលដាលនៃមេរោគកូវីដ-១៩។
បទបញ្ជានេះបានចូលជាធរមានចាប់ពីម៉ោង ៥.០០ នាទី កាលពីព្រឹកថ្ងៃទី១៨ ខែមីនា ឆ្នាំ២០២០ ។
វិធានការនេះត្រូវបានធ្វើឡើងបន្ទាប់ពីរដ្ឋាភិបាលម៉ាឡេស៊ី បានធ្វើការបិទប្រទេសរយៈពេល ១៤ ថ្ងៃ ចាប់ពីថ្ងៃទី ១៨ ខែមីនា ដល់ថ្ងៃទី៣១ ខែមីនា ឆ្នាំ ២០២០ ដើម្បីទប់ស្កាត់ការរីករាលដាលនៃវីរុស Covid-19 ។
គិតត្រឹមថ្ងៃទី១៧ ខែមីនា ឆ្នាំ២០២០ ប្រទេសម៉ាឡេស៊ីបានប្រកាសថា ចំនួនអ្នកឆ្លងកើនឡើងដល់ ៥៦៦ នាក់ ខណៈមានតែ ៤២ នាក់ប៉ុណ្ណោះ ដែលបានជាសះស្បើយឡើងវិញ។ ករណីដែលត្រូវបានបញ្ជាក់នៅក្នុងប្រទេសនេះ គឺខ្ពស់បំផុតក្នុងចំណោមប្រទេសអាស៊ីអាគ្នេយ៍ ៕
ប្រែសម្រួល៖ លឹម ហុង (ប្រភព៖ nationthailand)
