ប្រទេសអ៊ីតាលីបាន «វ៉ាដាច់» ប្រទេសចិនជាផ្លូវការ ចំពោះចំនួនអ្នកស្លាប់ដោយសារការ Covid-19 ជាមួយចំនួនអ្នកឆ្លង ៥.៣២២ ករណីថ្មីៗបន្ថែមទៀត ក្នុងរយៈពេលតែមួយថ្ងៃប៉ុណ្ណោះ។
យោងតាមសារព័ត៌មាន CNN ឥឡូវនេះប្រទេសអ៊ីតាលីកត់ត្រាករណីឆ្លងសរុបចំនួន ៤១.០៣៥ ករណី គឺប្រហែលពាក់កណ្តាលនៃចំនួនប្រទេសចិន ៨១.១២០ ។
ប្រទេសនេះក៏បានកត់ត្រាចំនួនអ្នកស្លាប់ ៣.៤០៥ នាក់ផងដែរ ដែលខ្ពស់ជាងចំនួនអ្នកស្លាប់នៅប្រទេសចិន ដែលត្រឹមចំនួន ៣.២៤៩ នាក់។
ប្រការនេះធ្វើឱ្យប្រទេសអ៊ីតាលីក្លាយជាចំណុចកណ្តាលនៃការផ្ទុះជំងឺរាតត្បាត Covid-19 ។
ទន្ទឹមនឹងនេះផងដែរ ប្រទេសម៉ាឡេស៊ីក៏ត្រូវបានគេកំណត់ថាជាករណីខ្ពស់ជាងគេទី៣ សម្រាប់ករណី Covid-19 នៅអាស៊ី និងខ្ពស់បំផុតនៅអាស៊ីអាគ្នេយ៍។
ជាមួយនឹងករណីថ្មីចំនួន ១១០ បន្ថែមទៀតនៅថ្ងៃទី ១៩ ខែមីនា ឆ្នាំ ២០២០ ចំនួនសរុប ឥឡូវមានដល់ ៩០០ ហើយគេរំពឹងថានឹងកើនឡើងនាពេលអនាគត៕
ប្រែសម្រួល៖ លឹម ហុង (ប្រភព៖ worldofbuzz)
