រូបភាពដ៏អស្ចារ្យមួយសន្លឹក ដែលត្រូវបានចែករំលែកនៅលើបណ្តាញសង្គមកាលពីពេលថ្មីៗនេះ បានបង្កការក្តៅក្រហាយយ៉ាងខ្លាំង ពីសំណាក់បងប្អូនមហាជនជាច្រើន ចំពោះទង្វើត្រូវបានមើលឃើញថា «លោភលន់ហួសប្រមាណ» របស់បុគ្គលមួយមិនដឹងថាមានអំណាចប៉ុណ្ណា? ដែលកំពុងធ្វើរបងរំលោភលើចំណីថ្នល់សាធារណៈ ដែលអ្នកស្រុកអ្នកភូមិបាននិងកំពុងធ្វើដំណើរលើនោះតាំងពីយូរយារណាស់មកហើយ ។
ករណីដ៏ហួសចិត្តនេះ យើងពុំដឹងថាបានកើតឡើងនៅក្នុងភូមិឃុំស្រុកណានោះទេ ហេតុនេះសូមបងប្អូនទាំងអស់គ្នាបន្តចែករំលែក ដើម្បីបានដល់អាជ្ញាធរដែនដីនៅទីនោះបានដឹង ចុះទៅត្រួតពិនិត្យផង ឬ មួយពួកគាត់ដេកលក់អស់ហើយ? ។
ខុសត្រូវនឹង «ព្រនង់ ឬ ដុំឥដ្ឋ» យ៉ាងណា បើតាមបងប្អូនអ្នកលេងបណ្តាញសង្គមម្នាក់ គឺគាត់បាននិយាយបែបលេងសើចចំៗថា៖ «កុំមាត់បងប្អួន កាពិតរដ្ឋទុក្ខអោយគាត់ធ្វេីអោយហេីយរួចរាល់សិន ទេីបគេមកវ៉ៃចោលតែម្ដង ករណីនេះមានម្ដងរួចមកហេីយនៅជិតផ្ទះខ្ញុំ» ៕ ដោយ៖ លឹម ហុង