កណ្តាល៖ ក្រុមបងធំជើងខ្លាំងក្រៅសង្វៀនប្រចាំព្រែកហូរ ក្រុងតាខ្មៅចំនួន ៧ នាក់ត្រូវបានកម្លាំងអធិការដ្ឋាននគរបាលក្រុងតាខ្មៅចាប់ញាត់គុកអស់ហើយ។
នគរបាលក្រុងតាខ្មៅ បានរាយការណ៍ករណី ហិង្សាដែលបង្កឡើងដោយចេតនាទៅវិញទៅមក និងធ្វេីឲ្យខូចខាតដោយចេតនា រវាងក្មេងទំនើងប្រចាំភូមិចំនួន២ក្រុម ដែលកើតហេតុ ១៨ មីនា ២០២០ វេលាម៉ោង ១៥ និង ៣០ នាទី នៅចំណុចផ្លូវលេខ២១៥ ភូមិព្រែកហូរកេីត សង្កាត់ព្រែកហូរ ក្រុងតាខ្មៅ ខេត្តកណ្តាល ។
ជនសង្ស័យ ២ ក្រុម គឺ ក្រុមទី១មានគ្នា៣នាក់ ១-ឈ្មោះ អូន អឿន ភេទ ប្រុស អាយុ៣៤ឆ្នាំទីលំនៅភូមិព្រែកឡុង សង្កាត់តាក្តុល ក្រុងតាខ្មៅ ខេត្តកណ្តាល មុខរបរ នេសាទត្រី រងរបួសឆ្អឹងជំនីខាងឆ្វេង (ឃាត់ខ្លួន) ។ ២-ឈ្មោះ អូន ចំរេីន ភេទ ប្រុស អាយុ២៣ឆ្នាំ ទីលំនៅភូមិព្រែកឡុង សង្កាត់តាក្តុល ក្រុងតាខ្មៅ ខេត្តកណ្តាល មុខរបរ នេសាទត្រី (ឃាត់ខ្លួន) ។ ៣-ឈ្មោះ សេង ណារ៉ុង ភេទ ប្រុស អាយុ១៧ឆ្នាំ ទីលំនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ មុខរបរ មិនពិតប្រាកដ (ឃាត់ខ្លួន) ។ចំណែកក្រុមទី២មានគ្នា៤នាក់ ១-ឈ្មោះ ម៉ុន វិរ: ភេទ ប្រុស អាយុ១៨ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ ដេីររោងការ (ឃាត់ខ្លួន) ។២-ឈ្មោះ វៃ សុខវ៉េត ភេទ ប្រុស អាយុ១៧ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ ដេីររោងការ (ឃាត់ខ្លួន) ។ ៣-ឈ្មោះ ទិត ជីវ័ន ភេទ ប្រុស អាយុ១៧ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល, មុខរបរ ដេីររោងការ (ឃាត់ខ្លួន) ។ ៤-ឈ្មោះ សំបូរ រ៉ាឌី ភេទ ប្រុស អាយុ១៩ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ កម្មកររោងចក្រ (ឃាត់ខ្លួន) ។
ក្នុងហេតុការណ៍បង្កឲ្យសម្ភារ:ខូចខាត ម៉ូតូ១គ្រឿងម៉ាកហុងដា C១១០ ពណ៌ខ្មៅសេរីឆ្នាំ ២០១២ (បែកក្បាំងសខាង , ក្បាល និងចង្កៀងមុខ) ហើយវត្ថុតាងចាប់យក ម៉ូតូចំនួន២គ្រឿង (១-ម៉ាកហុងដា C១១០ ពណ៌ខ្មៅសេរីឆ្នាំ២០១២ផ្លាកលេខភ្នំពេញ 1BI-1917 , ២-ម៉ាកហុងដាពណ៌ខ្មៅសេរីឆ្នាំ២០០៥ ផ្លាកលេខ ភ្នំពេញ1L-7849) កាំបិតប៉័ងតោដងឈេីចំនួន២ កាំបិតផ្គាក់ដងឫស្សីចំនួន ១ ។
នគរបាលក្រុងតាខ្មៅ បានរៀបរាប់រឿងហេតុនេះថា មុនពេលកេីតហេតុ ជនសង្ស័យទាំងពីរក្រុមបានទៅលេងសួនទឹក ស៊ីតនី ស្ថិតនៅក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញទាំងអស់គ្នា ក្នុងពេលនោះក៏បានទាក់ពាក្យសំដីគ្នាហេីយបានជិះម៉ូតូដេញគ្នារហូតដល់ចំណុចកេីតហេតុខាងលេី បានដេញគប់ និងកាប់គ្នាដោយប្រេីកាំបិតផ្គាក់ កាំបិតប៉័ងតោ និងដុំថ្ម បណ្តាលឲ្យឈ្មោះ អូន អឿន រងរបួសត្រង់ឆ្អឹងជំនីរខាងឆ្វេង និងខូចខាតម៉ូតូ១គ្រឿង ក្រោយកេីតហេតុសមត្ថកិច្ចបានធ្វេីការឃាត់ខ្លួនជនសង្សយទាំងពីរក្រុមយកមកសាកសួរនៅប៉ុស្តិ៍ រួចបញ្ជូនមកកាន់អធិការដ្ឋាននគរបាលក្រុងតាខ្មៅដេីម្បីបន្តចាត់ការតាមនីតិវិធី ៕ដោយ៖បញ្ញា ស័ក្តិ