មនុស្ស ៧ នាក់ ត្រូវបានឃាត់ខ្លួន និងបញ្ជូនទៅកាន់តុលាការថៃ កាលពីថ្ងៃទី១៩ ខែមីនា ឆ្នាំ២០២០ ពីបទចោទប្រកាន់លក់ម៉ាសតំឡើងថ្លៃហួសប្រមាណមិនសមហេតុផល ។ ពួកគេត្រូវបានឃាត់ខ្លួន ក្នុងអំឡុងពេលប្រតិបត្តិការបង្ក្រាបរបស់រដ្ឋាភិបាល ទៅលើការលក់ផលិតផលការពារដែលមានតម្លៃខ្ពស់ ស្របពេលនៃការផ្ទះវីរុស Covid-19 ។
ក្រោយពិនិត្យ តុលាការបានបង្ហាញថា ៥ នាក់ ក្នុងចំណោមជនជាប់ចោទទាំង៧ ឆ្លៀតយកឱកាសពីវិបត្តិ Coivid-19 ដើម្បីទាញយកផលប្រយោជន៍ពីស្ថានការណ៍នេះ និងធ្វើការចោទប្រកាន់ថា ពួកគេទាំង៥ពិតជាលក់ម៉ាសតំឡើងថ្លៃមែន ។
វាជាការត្រឹមត្រូវណាស់ ក្នុងការដាក់ទណ្ឌកម្មទៅលើអ្នកទាំង៥៖
១- ស្ត្រីឈ្មោះ Umaphon លក់អស់ជាង ៤០០០ ដុំ ត្រូវជាប់ទោស ៣ ឆ្នាំ ។ ប៉ុន្តែ ដោយគាត់បានសារភាពទោសកំហុស ដូច្នេះតុលាការសម្រេចកាត់មកត្រឹមកន្លះ ដោយជាប់ពន្ធនាគារ ១ ឆ្នាំ ៦ខែ ។
២- ស្ត្រីឈ្មោះ Tawao មានម៉ាស់៧៥០ ដុំ ត្រូវជាប់ទោស ២ ឆ្នាំ ។ ប៉ុន្តែ ដោយគាត់បានសារភាពទោសកំហុស ដូច្នេះ តុលាការសម្រេចកាត់មកត្រឹមកន្លះឆ្នាំ ទៅ១ឆ្នាំ ។
៣- ស្ត្រីឈ្មោះ Nam Fon មានម៉ាស់ ១២៥ ដុំ ត្រូវជាប់ទោស ១ឆ្នាំ ។ ប៉ុន្តែ ដោយគាត់បានសារភាពទោសកំហុស ដូច្នេះ តុលាការសម្រេចកាត់មកត្រឹម ៦ ខែ ។
៤- បុរសឈ្មោះ Pongphan មានម៉ាស់ ១២៥ ដុំ ត្រូវបានកាត់ទោស ៦ ខែ ដូចគ្នា ។
៥- ស្ត្រីឈ្មោះ Napha Isara មានម៉ាស់ ១២៥ ដុំដែរ ប៉ុន្តែ ត្រូវបានកាត់ទោស ១ ឆ្នាំ ដោយគ្មានការកាត់បន្ថយ ។
ការផ្តន្ទាទោសជនជាប់ចោទទាំង ៥ នាក់ នឹងមានប្រសិទ្ធភាពភ្លាមៗដោយគ្មានការតវ៉ារត់ការដោះលែងឡើយ។
ចំណែកជនជាប់ចោទទី៦ ស្ត្រីឈ្មោះ Tassaphon ដែលមានម៉ាស់ ៥០ ដុំ និងស្ត្រីទី៧ឈ្មោះ Nisara ដែលមានម៉ាស់ ៨ ដុំ ត្រូវបានកាត់ទោសជាប់ពន្ធនាគារម្នាក់ៗ១ឆ្នាំ និងពិន័យជាប្រាក់ ៥ ម៉ឺនបាត ។ ទោះយ៉ាងណា ដោយអ្នកទាំងពីរបានទទួលស្គាល់ពីទោសកំហុសរបស់ខ្លួន តុលាការបានសម្រេចកាត់បន្ថយមកត្រឹម ៥០% ៕
ប្រែសម្រួល៖ លឹម ហុង (ប្រភព៖ Siamrath)
