នារី២នាក់ ត្រូវបានក្រុមក្មេងទំនើបគប់ដុំថ្ម នៅ Klong 8 ខេត្ត Pathum Thani កាលពីថ្ងៃទី១៨ ខែមីនា ឆ្នាំ២០២០ ។ នាងទាំងពីរបានធ្វើរឿងដ៏ត្រឹមត្រូវ ដោយបន្តដំណើរទៅមុខ ជំនួសឲ្យការឈប់ម៉ូតូប្រឈមមុខនឹងពួកវា ។ ម្នាក់ក្នុងចំណោមនារីទាំងពីរ បានរងរបួសនៅក្នុងហេតុការណ៍នេះ ប៉ុន្តែ សំណាងហើយ វាពុំបណ្តាលឲ្យនាងរងរបួសធ្ងន់ធ្ងរ ។
ហេតុការណ៍នេះត្រូវបានអ្នកលេងហ្វេសប៊ុកឈ្មោះ “Bored of humans, they talk a lot” នៅថានី បង្ហោះឲ្យដឹង ដើម្បីព្រមានដល់ពលរដ្ឋដទៃនៅក្នុងតំបន់នេះ មានការប្រុងប្រយ័ត្ន ។
អ្នកលេងហ្វេសប៊ុកនោះបាននិយាយថា៖ «នៅពេលដែលខ្ញុំកំពុងបើកបរមកដល់នៅ Klong 8 ក្រុមក្មេងស្ទាវបានគប់ដុំថ្មមកលើម៉ូតូរបស់ខ្ញុំ។ ខ្ញុំប្រាកដថា ពួកគេចង់ប្លន់ខ្ញុំ ដូច្នេះខ្ញុំបានសំរេចចិត្តបន្តបើកបរទៀត។ យើងមានគ្នាតែ ២ នាក់ ហើយមិត្តរបស់ខ្ញុំកំពុងហូរឈាម។ នោះគឺជាពេលយប់ សង្ឃឹមថាអ្នកផ្សេងទៀតនឹងយកករណីនេះជាការព្រមាន ដើម្បីឱ្យមានការប្រុងប្រយ័ត្នខ្ពស់ នៅពេលបើកបរពេលយប់ ជាពិសេសប្រសិនបើអ្នកនៅម្នាក់ឯង។ ចែករំលែកការប្រកាសនេះដើម្បីជួយផ្សព្វផ្សាយផង» ។
ក្រុមការងារព័ត៌មាន Khaosod បានទាក់ទងជនរងគ្រោះ និងសម្ភាសពួកនាងនៅថ្ងៃទី ២០ ខែមីនា ឆ្នាំ ២០២០ នោះគឺ Jiraporn Parndang អាយុ ២១ ឆ្នាំនិងមិត្តភក្តិរបស់នាងឈ្មោះ Rattina Hirikokul អាយុ ២១ ឆ្នាំ។ Jiraporn បានរងរបួសដោយក្រុមក្មេងទំនើងគប់ដុំថ្ម។ នារីទាំងពីរបានប្រាប់ឱ្យដឹងថា ហេតុការណ៍នេះបានកើតឡើងនៅយប់ថ្ងៃទី ១៨ ។ ហើយនៅពេលនោះ Rattina ជាអ្នកបើកម៉ូតូ ខណៈពួកនាងទើបតែទិញសាច់អាំង និងបាយដំណើបពីផ្សារ ។
ខណៈគ្រោះថ្នាក់កើតឡើង Jiraporn មានអារម្មណ៍ឈឺចុកចាប់អួលៗនៅទ្រូង ។ ប៉ុន្តែ ពួកនាងមិនសម្រេចចិត្តឈប់ម៉ូតូទេ និងព្យាយាមជិះគេចពីទីកន្លែងគ្រោះថ្នាក់ ដែលពួកក្មេងទំនើងដែលកំពុងរង់ចាំ ។ នៅពេលពួកគេមកដល់ផ្ទះ Jiraporn បានដឹងថាមានដុំថ្មមួយនៅលើខោរបស់នាង ហើយនាងកំពុងរងរបួសហូរឈាមផងដែរ។
មិត្តប្រុសរបស់នាងបានបើកឡានត្រឡប់ទៅតំបន់នោះវិញ ប៉ុន្តែគ្មាននរណាម្នាក់នៅទីនោះទេ។ នារីទាំងរងគ្រោះទាំងពីរបានទៅមន្ទីរពេទ្យ ហើយបានដាក់ពាក្យបណ្តឹងនៅប៉ុស្តិ៍នប៉ូលីស Lam Luk Ka នៅថ្ងៃទី ១៩ ខែមីនា ឆ្នាំ២០២០។ បន្ទាប់ពីរឿងរ៉ាវនេះត្រូវបានចែកចាយតាមប្រព័ន្ធអ៊ិនធឺរណែត អ្នកលេងអ៊ីនធឺណេតផ្សេងទៀតបានបង្ហាញថាពួកគេក៏ត្រូវបានក្រុមក្មេងទំនើងគប់ដុំថ្មនៅចំណុច Klong 8 នេះដែរ គឺនៅក្បែរវត្ត Don Yai ៕ សូមចែករំលែកព័ត៌មាននេះ ដល់ជនជាតិថៃដទៃបានប្រុងប្រយ័ត្នផង!!
ប្រែសម្រួល៖ លឹម ហុង (ប្រភព៖ Khaosod)