នៅថ្ងៃសៅរ៍នេះ ប្រទេសថៃបានរកឃើញអ្នកផ្ទុកវីរុសកូរ៉ូណាចំនួន ៨៩នាក់បន្ថែមទៀត ដែលវាគឺជាតួលេខឆ្លងប្រចាំថ្ងៃដ៏ច្រើនបំផុត ហើយតួលេខនៃអ្នកឆ្លងសរុបក្នុងប្រទេសកើនដល់ ៤១១ករណី។
លោក Taweesin Wisanuyothin អ្នកនាំពាក្យក្រសួងសុខាភិបាលថៃ បាននិយាយថា ករណីឆ្លងថ្មីទាក់ទងទៅនឹងការឆ្លងដំបូងៗ ដែលកើតចេញពីកន្លែងប្រកួតប្រដាល់ កន្លែងកម្សាន្ត និងព្រឹត្តិការណ៍ប្រមូលផ្តុំបែបសាសនា នៅក្នុងប្រទេសម៉ាឡេស៊ី។
ក្នុងចំណោមអ្នកឆ្លងសរុប មាន ៣៦៦នាក់កំពុងត្រូវព្យាបាល ខណៈដែល ៤៤នាក់បានជាះស្បើយ។ ចាប់តាំងពីមានការផ្ទុះនៃវីរុសមរណៈនេះមក ថៃមានអ្នកជំងឺម្នាក់ប៉ុណ្ណោះ បានស្លាប់។
សូមបញ្ជាក់ថា ចាប់ពីថ្ងៃអាទិត្យស្បែកទៅ រាល់អ្នកដំណើរទាំងអស់ ទាំងជនជាតិថៃ និងបរទេស នឹងត្រូវមានលិខិតសុខភាពជាមុនសិន មុនពេលពួកគេអាចចូលប្រទេសថៃបាន ដែលវាគឺជាវិធានការដើម្បីគ្រប់គ្រងការរីករាលដាលនៃវីរុស COVID-19។
ជនបរទេសណាដែលចង់ចូលលេងប្រទេសថៃ ត្រូវបង្ហាញលិខិតសុខភាពនៅកន្លែងត្រួតពិនិត ដើម្បីបង្ហាញថា ពួកគេមិនមានផ្ទុកវីរុសកូរ៉ូណា៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia