ភ្នំពេញ៖ ផ្សារមួយចំនួននៅក្នុងរាជធានីភ្នំពេញ ប្រជាពលរដ្ឋក៏ដូចជា អាជីវករទិញ លក់ដូរជាធម្មតា ជាមួយគ្នានោះ នៅតាមបណ្តាផ្សារទាំងនោះ ក៏បានរៀបចំពិធីសាស្ត្រ ក្នុងបង្ការនិងទប់ស្កាត់ជំងឺ វីរុសកូវីដ ១៩ ផងដែរ។
ជាក់ស្តែងនៅក្នុងផ្សារដើមគរ ដែលមានទីតាំងស្ថិតនៅក្នុងសង្កាត់ផ្សារដើមគរ ផ្សារច្បារអំពៅ ផ្សារធំថ្មី ផ្សារចាស់ ផ្សារបឹងកេងកង ជាដើម នាព្រឹកថ្ងៃទី២១ មីនា២០២០នេះ ប្រជាពលរដ្ឋ ក៏ដូចជាអាជីវករទិញ លក់ដូរជាធម្មតា ជាមួយគ្នានោះក្រុមអាជ្ញាធរ ក៏ដូចជាគណៈកម្មការផ្សារ បានរៀបចំពិធីសាស្ត្រក្នុង
បង្ការនិងទប់ស្កាត់ ការរីករាលដាលនៃជំងឺ វីរុសកូវីដ ១៩ (COVID-19) ទៅតាមការណែនាំរបស់រាជរដ្ឋាភិបាលកម្ពុជាផងដែរ។
លោក គៀង ចក់ ប្រធានផ្សារដើមគ បានមានប្រសាសន៍ឲ្យដឹងនាព្រឹកថ្ងៃទី២១ មីនានេះថា ផ្សារដើមគរ គឺជាផ្សារមួយ លក់ដូរបន្លែ ផ្លែឈើនិងគ្រឿងហូបចុក ហើយខណៈដែលមានការផ្ទុះនូវជំងឺ វីរុសកូវីដ ១៩ (COVID-19) ដែលបានធ្វើឲ្យមានការភ្ញាក់ផ្អើល ទូទាំងពិភពលោក ដូចជា នៅព្រះរាជាណាចក្រកម្ពុជាដែរនោះ សម្រាប់ផ្សារដើមគ គឺមានប្រជាពលរដ្ឋ ក៏ដូចជាអាជីវករលក់ដូរ ជាធម្មតាទេ។ ដោយឡែកសម្រាប់គណៈកម្មការផ្សារ ក៏បានរៀបចំវិធីសាស្ត្រ ក្នុងការបង្ការទប់ស្កាត់ វីរុសកូវីដ ១៩ (COVID-19) ផងដែរ។ ដោយក្នុងមួយសប្តាហ៍ ក្រុមការងារផ្សារ បានលាងសម្អាតផ្សារម្តង ហើយបើក្តៅខ្លាំងយើងបាញ់សម្អាតរហូតដល់២ដង ។ យើងក៏បានដាក់អាល់កុលនៅតាមច្រកចេញចូលផ្សារ ចំនួន១៣ទីតាំង ដើម្បីឲ្យប្រជាពលរដ្ឋ ក៏ដូចជាអាជីវករបានលាងដៃ ជាមួយគ្នានេះដែរ យើងក៏បានធ្វើការណែនាំ បងប្អូនប្រជាពលរដ្ឋឲ្យចេះពីវិធីសាស្ត្រ នៃការបង្ការទប់ស្កាត់ វីរុសកូវីដ ១៩ (COVID-19) នេះផងដែរ។
ដោយឡែក ក្រុមអាជីវករលក់សាច់បន្លែគ្រឿងទេស និងអង្ករ ក្នុងផ្សារបឹងកេងកង លើកឡើងថា ការប្រកបរបរទទួលទាន របស់ពួកគាត់ លក់ដាច់ជាធម្មតា ថែមទាំងលក់ដាច់ជាងមុនផងដែរ ខណៈលោកប្រធានផ្សាថា អីវ៉ាន់ផ្សេងៗ មានការថយចុះមិនសូវមានអ្នកទិញ និងបានសំណូមពរ ឲ្យម្ចាស់តូបជួលជួយសម្រួលតម្លៃដល់អ្នកលក់ កុំមានការដំឡើងថ្លៃក្នុងលក្ខណៈមនោសញ្ចេតនា ។
យ៉ាងណា ពាក់ព័ន្ធជាមួយនឹងបញ្ហាអនាម័យ ខាងគណៈកម្មការផ្សារ ក្រៅពីណែនាំឲ្យមានទឹកអាល់កុល លាងដៃ នៅតាមតូបនីមួយៗ ថែមទាំងបានដាក់អាល់កុល សម្រាប់លាងដៃ នៅតាមច្រកចេញចូលផ្សារផងដែរ ។
ចំពោះ ផ្សារធំថ្មីវិញ នៅតែបើកជាធម្មតា មានប្រជាជនភ្នំពេញ និងទេសចរណ៍ មកជាធម្មតា បើតាមការឲដឹងពីរ លោក សៅ លីវន អនុប្រធានផ្សារធំថ្មី បានបញ្ជាក់ចំនួនភ្ញៀវថយចុះតិចតួច ហើយផ្សារ ឲ្យអាជីវករ និងទេសចរណ៍ អនាម័យជាប្រចាំ៕ដោយ៖កូឡាប
