ភ្នំពេញ ៖ កម្លាំងសមត្ថកិច្ច នៃនាយកដ្ឋាននគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ បានសហការជានគរបាលមូលដ្ឋាន បានធ្វើការចុះបង្ក្រាប មេតាណុលក្លែងក្លាយ។
ក្នុងប្រតិបត្តិការនេះ ដឹកនាំដោយលោក សាយ ណូរ៉ា ព្រះរាជអាជ្ញារង អមសាលាដំបូងរាជធានីភ្នំពេញ និងលោក ចាន់ វ៉ានធឿន ប្រធាននាយកដ្ឋាននគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ រួមនឹងលោក ឡុង ស្រេង អនុប្រធាននាយកដ្ឋាននគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ បានចុះដកហូតអាល់កុលក្លែងក្លាយ មួយចំនួនធំ ដែលនាំចូលខុសច្បាប់ នៅវេលាម៉ោង៣និង៣០ រសៀល ថ្ងៃទី២១ ខែមីនា ឆ្នាំ២០២០ ដែលស្ថិតនៅទុកមុខផ្ទះលេខ២៤AEo នៅចំណុចផ្លូវលេខ៣២៨ ក្នុងសង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។
បើតាមប្រភពព័ត៌មានពីសមត្ថកិច្ចនៅកន្លែងកើតហេតុ បានឲ្យដឹងថា អាល់កុលក្លែងក្លាយមួយចំនួនធំត្រូវ បានម្ចាស់ឃ្លាំងលួចនាំចូលដោយខុសច្បាប់ ។
ក្រោយការចុះត្រួតពិនិត្យ ម្ចាស់ទីតាំងខាងលើ និង មេតាណុលក្លែងក្លាយ ត្រូវបានសមត្ថកិច្ច យកទៅរក្សាទុក ដើម្បីរង់ចាំការដោះស្រាយ នៅសាលាដំបូងរាជធានីភ្នំពេញ តាមនីតិវិធីច្បាប់ ។
លោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានឲ្យដឹងថា វត្ថុតាងដែលសារធាតុមេតាណុល ដែលដកហូតច្រកចូល៧៥កាន ១៩ធុងស្មើនឹង១ធុងទម្ងន់ ១៦៣គីឡូក្រាម ប្រមាណ ៤ ២០០លីត្រ សូមបងប្អូនត្រូវមានការប្រុងប្រយ័ត្នខ្ពស់ ដើម្បីសុខភាព ពីព្រោះមេតាណុលគឺជាថ្នាំពុល៕ដោយ៖កូឡាប
