ប្រធានាធិបតី ដូណាល់ ត្រាំ កាលពីថ្ងៃពុធម្សិលមិញនេះ បានចោទប្រកាន់ប្រទេសរុស្សីថា បានជួយ កូរ៉េខាងជើងឲ្យគេចផុតពីទណ្ឌកម្មរបស់អន្តរជាតិ ដែលដាក់គំនាប់លើរបបនេះក្នុងគោល បំណងឲ្យបោះបង់កម្មវិធីនុយក្លេអ៊ែរចោល។
លោក ត្រាំ ថ្លែងនៅក្នុងកិច្ចសម្ពាសន៏ជាមួយនឹងសារព៌តមាន Reuters ដូច្នេះថា “រុស្សីមិនបាន ជួយអ្វីសោះដល់ពួកយើងជុំវិញបញ្ហាកូរ៉េខាងជើង”។
ត្រាំថ្លែងថា “អ្វីដែលប្រទេសចិនបានជួយពួកយើង ប្រទេសរុស្សីបានបង្វែរវាទាំងអស់។ ម្យ៉ាងទៀត ប្រទេសរុស្សីបានប៉ះប៉ូវដល់អ្វីដែលប្រទេសចិនបានកំពុងធ្វើ”។ ការថ្លែងបែបនេះចង់សំដៅថា បើចិនដាក់ទណ្ឌកម្មអ្វីលើកូរ៉េខាងជើង រុស្សីជាអ្នកជួយកូរ៉េខាងជើងលើបញ្ហានោះ។
នេះគឺជាការរិះគន់ដ៏កំរដល់ប្រទេសរុស្ស ខណៈដែលលោកលើកសរសើរចិនពីការអនុវត្តទណ្ឌកម្មរបស់
សហគមន៍អន្តរជាតិក្នុងគោលបំណងដាក់សម្ពាធឲ្យកាន់តែខ្លាំងលើប្រទេសកូរ៉េខាងជើង។
ការរិះគន់រុស្សីរបស់ត្រាំ ទំនងជាចង់សំដៅទៅលើការរាយការណ៏ដែលថា កប៉ាល់ដឹកប្រេងរបស់រុស្សី បានជួយផ្ទេរប្រេងដល់កប៉ាល់កូរ៉េខាងជើងនៅកណ្តាលសមុទ្រកាលពីពេលថ្មីៗនេះ៕ សុភ័ក្ត្រ
