បុរសវ័យចំណាស់ម្នាក់ ត្រូវបានប៉ូលីសឃាត់ខ្លួន បន្ទាប់ពីត្រូវបានរកឃើញថា គាត់ជាមនុស្សធម្មតា ពុំពិការអ្វីនោះទេ បានកំពុងបន្លំធ្វើជាអ្នកសុំទោន ហើយជិះសុទ្ធតែរថយន្តទំនើបទៀត ។ អ្នកសុំទានថៃរូបនេះ ត្រូវបានគេតាមដានទាន់ ខណៈដើរចូលទៅបើកទ្វារថយន្តម៉ាក Toyota Fortuner ពណ៌ខ្មៅ ដែលចតនៅជាប់របងមាត់មួយ បន្ទាប់ពីគាត់បានសុំទានគេរួច ។
គាត់ត្រូវបានគេស្គាល់មានឈ្មោះ Som porn Kueyen អាយុ ៦៥ ឆ្នាំ ។ គាត់មិនបានពិកាភ្នែកនោះទេ ហើយបច្ចុប្បន្នបានរស់នៅជាមួយប្រពន្ធក្នុងផ្ទះ ២ជាន់នៅខេត្ត Nonthaburi ។ គាត់មានកូន ២នាក់ ក្នុងនោះម្នាក់កំពុងធ្វើការនៅបរទេស រីឯម្នាក់ទៀតជាគ្រូនៅសាកលវិទ្យាល័ យមួយ ។
ដំណើររឿងឈានដល់គាត់សម្រេចចិត្តបន្លំខ្លួនធ្វើជាអ្នកសុំទានបែបនេះ គឺផ្តើមចេញដោយសារញៀនល្បែង ជំពាក់គេជុំទិស ហើយមុខជំនួញជាអ្នកមានកសិដ្ឋានចិញ្ចឹមបង្គា និងលក់សាច់ជ្រូក ក៏បានដួលរលំ ។ បន្ទាប់មក គាត់បានងាកមកចិញ្ចឹមមាន់ ប៉ុន្តែ មុខរបរនេះក៏បានបរាជ័យទៀត ។ ពេលនោះ គាត់បានកូនស្រីដែលកំពុងធ្វើការនៅអាមេរិក ឱ្យផ្ញើលុយមក ១៥០០០បាត ដើម្បីដោះបំណុលគេ ប៉ុន្តែកូនស្រីឲ្យ ។ ដោយមិនដឹងទៅរកលុយមកពីណាបាន គាត់ក៏សម្រេចចិត្តស្លៀកពាក់ខោអាវចាស់ៗ និងពាក់វែនតាខ្មៅ ជិះ ឡានទៅចតចោលតាមកន្លែងផ្សេងៗ រួចដើរសុំទានគេរហូតដល់ធ្លាប់មកទល់សព្វថ្ងៃ។
គាត់បានប្រាប់ថា គាត់អាចសុំទានគេបានចន្លោះពី ១០០ ទៅ ២០០បាត ក្នុងមួយថ្ងៃ ។ ប៉ុន្តែ គេជឿជាក់ថា គាត់អាចរកបានលើសពីនេះ ព្រោះគេឃើញគាត់ថែមទាំងច្រៀង ដើម្បីឲ្យគេអាណិតទៀតផង ។
ក្រោយសួរចម្លើយ សមត្ថកិច្ចបានឱ្យបុរសចំណាស់រូបនេះធ្វើកិច្ចសន្យាឈប់ដើរសុំទានទៀត ព្រមទាំងពិន័យជាប្រាក់មួយចំនួន៕
ប្រែសម្រួល៖ លឹម ហុង (ប្រភព៖ today.line.me)
