ត្រឹមតែរយៈពេល ២ថ្ងៃនៃថ្ងៃចុងសប្តាហ៍កន្លងទៅនេះ ប្រទេសអ៊ីតាលីមានអ្នកស្លាប់ដោយសារវីរុសកូរ៉ូណាចំនួន ១.៤៤៤នាក់ បណ្តាលឲ្យតួលេខនៃអ្នកស្លាប់សរុបកើនដល់ ៥.៤៧៦នាក់។
បើតាមតួលេខ មានអ្នកស្លាប់ចំនួន ៦៥១នាក់កាលពីថ្ងៃអាទិត្យម្សិលមិញ និងចំនួន ៧៩៣នាក់ កាលពីថ្ងៃសៅរិ៍កន្លងទៅ។
ចំណែកចំនួនអ្នកឆ្លងវីរុសបានកើនឡើង ១០,៤ភាគរយ មកដល់ចំនួន ៥៩.១៣៨នាក់។
សូមបញ្ជាក់ថា វីរុសកូរ៉ូណា ឬ COVID-19 មានការផ្ទុះខ្លាំងបំផុតនៅប្រទេសអ៊ីតាលី ក្នុងរយៈពេលប៉ុន្មានសប្តាហ៍នេះ បណ្តាលឲ្យប្រទេសនេះ វ៉ាដាច់ចិនក្លាយជាប្រទេស ដែលមានអ្នកស្លាប់ដោយសារវីរុសច្រើនបំផុតក្នុងលោក។
ប្រទេសដែលមានការរីករាលដាលធ្ងន់ធ្ងន់ និងមានអ្នកស្លាប់ច្រើនផ្សេងៗទៀតមានដូចជា អាមេរិច អេស្ប៉ាញ អាឡឺម៉ង អ៊ីរ៉ង បារាំង កូរ៉េខាងត្បូង និងស្វីសជាដើម៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia