ប្រធានាធិបតីស៊ែប៊ីលោក Aleksandar Vucic បានថ្លែងអំណរគុណដល់ក្រុមគ្រូពេទ្យចិនដែលបានទៅដល់ប្រទេសស៊ែប៊ី កាលពីថ្ងៃសៅរ៍ តាមរយៈការបង្ហាញនូវកាយវិការដ៏រំជួលចិត្ត ដោយបានថើបទង់ជាតិចិន នៅក្នុងការបង្ហាញការដឹងគុណចំពោះការគាំទ្រដល់ប្រទេសខ្លួន ប្រឆាំងនឹងវីរុសកូវីដ-១៩ ។
លោក Vucic បានមានប្រសាសន៍ថា៖ “ ការមកដល់របស់អ្នកជំនាញសុខភាពចិន គឺមានសារៈសំខាន់ខ្លាំងណាស់សម្រាប់ពួកយើង ពីព្រោះពួកគេគឺជាអ្នកដំបូងដែលបានយកឈ្នះ «សត្រូវ» ដ៏កាចសាហាវនាពេលបច្ចុប្បន្ននេះ។
លោកបានបន្ថែមថា៖ “ អ្វីៗទាំងអស់នៅលើយន្ដហោះនេះ គឺជាជំនួយឥតសំណងដែលជាអំណោយពីសាធារណរដ្ឋប្រជាមានិតចិន។ យើងគួរតែអរគុណពួកគេឲ្យអស់ពីដួងចិត្ត ព្រោះពួកគេបានបង្ហាញថាជាមិត្តដ៏ល្អបំផុតរបស់ស៊ែប៊ីនិងស៊ែប” ។
យន្តហោះធំជាងគេរបស់ស៊ែប៊ី គឺយន្តហោះ Airbus A330 បានចុះចតពីប្រទេសចិនជាមួយនឹងការដឹកជញ្ជូន «ជំនួយដ៏ធំបំផុត» នេះមកកាន់ប្រទេសស៊ែប៊ី រួមមានឧបករណ៍វេជ្ជសាស្ត្រ ឧបករណ៍សន្តិសុខ និងអ្នកជំនាញជនជាតិចិនចំនួន ៦ នាក់។
កញ្ចប់ជំនួយវេជ្ជសាស្ត្រដែលបានមកពីប្រទេសចិនអានជាភាសាចិន និងជាCyrillic ថា៖ “មិត្តភាពដែក ដែលយើងចែករំលែកនូវអ្វីដែលល្អ និងអាក្រក់!” ដោយបេះដូងដែលមានទង់ជាតិស៊ែប៊ីនៅម្ខាងនិងទង់ជាតិចិននៅម្ខាងទៀត។
ចំណែកប្រធានាធិបតីចិនលោក ស៊ី បាននិយាយនៅក្នុងលិខិតមួយដែលទទួលបានដោយប្រធានាធិបតីស៊ែប៊ី Vucic ថា៖ ប្រទេសចិនគាំទ្រកិច្ចខិតខំប្រឹងប្រែងរបស់ស៊ែប៊ី ក្នុងការប្រយុទ្ធប្រឆាំងនឹងវីរុសនេះ ហើយនឹងផ្តល់ឱ្យប្រទេសមួយនេះនូវជំនួយសម្ភារៈ និងវេជ្ជសាស្ត្រ ដើម្បីផ្គត់ផ្គង់តម្រូវការចាំបាច់ពីប្រទេសចិន ក៏ដូចជាជំនួយវិជ្ជាជីវៈ។
ឯកអគ្គរដ្ឋទូតចិនប្រចាំនៅ Belgrade លោក Chen Bo បានមានប្រសាសន៍ថា ជំនួយនេះគឺជាសញ្ញានៃ“ មិត្តភាពដែក” រវាងប្រទេសទាំងពីរ។
អាជ្ញាធរស៊ែរប៊ីបានរាយការណ៍ថា មនុស្សចំនួន ១៧១ នាក់ ដែលត្រូវបានធ្វើតេស្តិ៍វិជ្ជមានចំពោះមេរោគឆ្លង និងការស្លាប់ម្នាក់ដែលពាក់ព័ន្ធ។
រដ្ឋាភិបាលបានដាក់ចេញនូវវិធានការណ៍តឹងរ៉ឹងកាលពីថ្ងៃសុក្រ រួមមានការបិទហាងកាហ្វេ ភោជនីយដ្ឋាន និងឧទ្យាននានា និងបានអនុម័តបម្រាមគោចរចាប់ពីម៉ោង ៨ យប់ រហូតដល់ម៉ោង ៥ ភ្លឺ ។
លោក Vucic បាននិយាយថា សាលមួយនៃសាលនៅឯពិព័រណ៍ Belgrade នឹងត្រូវបានប្រែក្លាយជាមន្ទីរពេទ្យដែលមានគ្រែចំនួន ៣០០០ ដើម្បីផ្ទុកមនុស្សដែលឆ្លងវីរុសនេះ៕
ប្រែសម្រួល៖ លឹម ហុង (ប្រភព៖ CGTN)