ជនល្បីៗ និងអ្នកនយោបាយជាច្រើន បានកំពុងនាំគ្នាព្រលះទៅលើលោក ដូណាល់ ត្រាំ ចំពោះការប្រើពាក្យដ៏អាក្រក់ស្តាប់ហៅ Covid-19 ថា «វីរុសចិន» ជំនួសឲ្យអង្គការសុខភាពពិភពលោកបានអនុម័ត ។
នៅទីក្រុងញូវយ៉ក អ្នកនយោបាយក្នុងតំបន់បានរិះគន់លោក Trump ចំពោះការហៅ Covid-19 ជា “ វីរុសចិន” ឬ “Chinese Virus” ក្នុងកំឡុងពេលធ្វើសេចក្តីប្រកាសព័ត៌មានផ្លូវការរបស់លោក, នេះបើយោងតាម Flushingpost ។
សមាជិកក្រុមប្រឹក្សាលោក Peter Koo បានជម្រុញឱ្យអ្នកនយោបាយ និងសមាជិកនៃប្រព័ន្ធផ្សព្វផ្សាយ ប្រើប្រាស់ពាក្យដែលអង្គការសុខភាពពិភពលោកបានអនុម័ត សម្រាប់វីរុសថ្មីឆ្នាំ ២០១៩៖ COVID-19 ។
លោកនិយាយថា “មិនត្រឹមតែព្យាយាមធ្វើឱ្យធម្មតានូវពាក្យ «វីរុសរបស់ចិន» ដោយមិនគោរពតាមនិយមន័យផ្លូវការរបស់ពួកគេចំពោះវីរុសនេះប៉ុណ្ណោះទេ ប៉ុន្តែវាបង្កជាភាពតានតឹងជាតិសាសន៍ផងដែរ” ។ លោកបន្តថា៖ “ នេះមិនមែនជាវីរុសដែលជះឥទ្ធិពលដល់ប្រទេសមួយ ឬក្រុមមនុស្សនោះទេ។ វីរុសកូរ៉ូណានេះ គឺមាននៅទូទាំងពិភពលោក។ ហេតុនេះ យើងត្រូវតែរួមដៃគ្នាប្រយុទ្ធប្រឆាំងនឹងវាទាំងអស់គ្នា” ។
លោក Bill de Blasio ចៅហ្វាយក្រុងញូវយ៉កបានថ្កោលទោសចំពោះការប្រើប្រាស់ពាក្យរបស់លោក Trump និងទង្វើបញ្ឆេះការកាន់លទ្ធិឬបក្សណាមួយកាន់តែខ្លាំងឡើង តាមរយៈការបង្ហោះលើបណ្តាញសង្គម Twitter របស់គាត់ កាលពីថ្ងៃច័ន្ទ។
ទោះយ៉ាងណា ថ្លែងទៅកាន់អ្នកសារព័ត៌មានកាលពីថ្ងៃពុធ លោក Trump បានការពារការប្រើប្រាស់ពាក្យពេចន៍របស់ខ្លួនដែលហៅ “មេរោគចិន” ដោយទទួចថាវីរុសនេះគឺមកពីប្រទេសចិន៕
ប្រែសម្រួល៖ លឹម ហុង (ប្រភព៖ nextshark)