ប្រទេសអ៊ីតាលីបានប្រកាសថា ចំនួនអ្នកស្លាប់ដោយសារវីរុសកូរ៉ូណាមានការធ្លាក់ចុះបន្តិច ដោយមានអ្នកស្លាប់ចំនួន ៦០១នាក់នៅថ្ងៃចន្ទ។
កាលពីថ្ងៃសៅរិ៍ អ្នកស្លាប់ដោយសារវីរុសមានចំនួន ៧៣៩នាក់ ខណៈមនុស្សចំនួន ៦៥១នាក់ស្លាប់នៅថ្ងៃអាទិត្យ។
ចំណែកចំនួនអ្នកឆ្លងថ្មី ក៏មានការធ្លាក់ចុះផងដែរ គឺពីចំនួន ៦.៥៥៧ករណី នៅថ្ងៃសៅរ៍ មកត្រឹមចំនួន ៤.៧៨៩ករណីនៅថ្ងៃចន្ទ។
សូមបញ្ជាក់ថា ក្នុងរយៈពេលត្រឹមមួយខែ វីរុសកូរ៉ូណា ឬ COVID-19 មានការរាតត្បាតយ៉ាងខ្លាំង នៅក្នុងប្រទេសអ៊ីតាលី ដោយវាបានផ្តាច់ជីវិតមនុស្សជាង ៦.០០០នាក់ និងបានធ្វើឲ្យអ៊ីតាលី ក្លាយវ៉ាដាច់ប្រទេសចិន ក្លាយជាប្រទេស ដែលមានអ្នកស្លាប់ច្រើនបំផុត។
តួលេខនៃអ្នកឆ្លងមានចំនួន ៦៣.៩២៧នាក់ ខណៈដែលអ្នកជាសះស្បើយ មានជាង ៧.៤០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
