ឆ្នាំជូត
ដួងជតារាសី ៖ រាសីខ្ពស់ត្រដែត។ ដោយសារដួងជតារាសីឡើងខ្ពស់ត្រដែត នៅថ្ងៃនេះផ្តល់ផលល្អសម្រាប់ស្ត្រី ។
ការងារ ៖ ការងារតែងសម្រេចជោគជ័យគ្រប់ស្ថានការណ៍ទាំងអស់ ។
ជំនួញ ៖ អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ក្នុងរង្វង់គ្រួសារបើលោកអ្នកមានជម្លោះវិវាទជាឱកាសល្អក្នុងការផ្សះផ្សាហើយ។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានការយកចិត្តទុកដាក់និងផ្អែមល្ហែមល្អចំពោះគ្នាគ្រាន់បើ៕
ឆ្នាំឆ្លូវ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកបានផ្លាស់ប្តូរមកល្អប្រសើរ ហេតុនេះមិនថាការប្រកបកិច្ចការអ្វីតែងទទួលការចម្រើនលូតលាស់ និងចំណែកការបណ្តាក់ទុនរកស៊ីវិញតែងសម្រេចដល់គោលដៅផង។
ជំនួញ ៖ អ្នកប្រកបរបររកស៊ីជួញដូរមានការជឿនលឿនទៅមុខយ៉ាងឆាប់រហ័សហើយរឿងរាវអាក្រក់ទាំងឡាយដែលធ្លាប់មានកាលពីមុនមកក៏ត្រូវបានរលត់រលាយទៅឆ្ងាយតាមកាលវេលាដែរ។
ស្នេហា ៖ ស្នេហាកំលោះក្រមុំនៅថ្ងៃនេះដែរកំពុងមានការខ្វាយខ្វល់ព្រោះតែម្នាក់ៗមានការគិតហួសព្រំដែនច្រើន៕
ឆ្នាំខាល
ដួងជតារាសី ៖ រាសីល្អជាមធ្យម។
ការងារ ៖ នៅក្នុងថ្ងៃនេះដំណើរជីវិតរបស់លោកអ្នកមានភាពរលូនល្អមិនថាការលេងហ៊ុន ការបណ្តាក់ទុនរកស៊ី ការទំនាក់ទំនងកិច្ចការងារមានភាពចម្រើនលូតលាស់ទៅមុខជានិច្ច។
ជំនួញ ៖ អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយលោកអ្នកអាចរកប្រាក់ចំណូលគ្រាន់ចិញ្ចឹមក្រពះអញ្ចឹងដែរ។
ស្នេហា ៖ ស្នេហាកំលោះក្រមុំ មានភាពស្រស់ស្រាយព្រោះតែម្នាក់ៗមានការយកចិត្តទុកដាក់ចំពោះគ្នាគ្រាន់បើជាងមុន៕
ឆ្នាំថោះ
ដួងជតារាសី ៖ រាសីស្រុតចុះ។
ការងារ ៖ ក្នុងថ្ងៃនេះទាំងស្ត្រីបុរសឃើញថាការប្រកបការងារតូចធំតែងមិនសូវសម្រេចដូចគាប់បំណងប៉ុន្មានទេ ពិសេសធ្វើអ្វីតែងមានក្រុមមនុស្សបង្កបញ្ហាថែមទៀត ។
ជំនួញ ៖ អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានហូរចូលមួយៗគ្រាន់ជាទីកក់ក្តៅដែរ ប៉ុន្តែបញ្ហាជម្លោះវិវាទនោះងាយផ្ទុះឡើងផង។ការធ្វើដំណើរឆ្ងាយជិតមិនសូវមានសុវត្តិភាពប៉ុន្មានទេគប្បីប្រយ័ត្នប្រយែងបញ្ហាសន្តិសុខផ្ទាល់ខ្លួនបន្តិច។
ការងារ ៖ ស្នេហាប្រុសស្រីមានដំណើរថយក្រោយ ហើយងាយមានជម្លោះវិវាទដូចនេះគួរកាត់បន្ថយភាពប្រចែប្រច័ណ្ឌឬរឹងមានះទើបប្រសើរ៕
ឆ្នាំរោង
ដួងជតារាសី ៖ រាសីស្រុតចុះ។
ការងារ ៖ គេថាជីវិតមនុស្សយើងជាអ្នកកំណត់ទិសដៅ កាលវេលាកំណត់ជីវិតមនុស្ស ហើយការរស់នៅអាស្រ័យទៅលើថាយើងចេះកំណត់ខ្លួនឯងយ៉ាងណាប៉ុណ្ណោះ។ ដូចជាថ្ងៃនេះឃើញថាដំណើរជីវិតរបស់លោកអ្នកបានផ្លាស់ប្តូរមកស្រុតចុះ ធ្វើឱ្យការប្រកបការងារអ្វីៗមានបញ្ហារាំងស្ទះនិងជួបឧបសគ្គច្រើន ។
ជំនួញ ៖ អ្នកប្រកបរបររកស៊ីជួញដូរវិញជួបបញ្ហាប្រទាំងប្រទើសនិងបញ្ហាយាយីច្រើនគប្បីអត់ធ្មត់ក្នុងមុខរបរ។
ស្នេហា ៖ បញ្ហាគូគ្រងប្តីប្រពន្ធនិងគូស្នេហាកំលោះក្រមុំក្នុងពេលនេះមានភាពស្និទ្ធស្នាលដូចប្រក្រតីមិនមានអ្វីរកាំចិត្តគួរកត់សម្គាល់ទេ៕
ឆ្នាំម្សាញ់
ដួងជតារាសី ៖ រាសីល្អជាមធ្យម។
ការងារ ៖ ក្នុងថ្ងៃនេះលោកអ្នកហាក់ដូចទទួលរងការគាបសង្កត់ផ្លូវចិត្តបន្តិចពិតមែនតែការបំពេញការងារមានការរីកលូតលាស់សន្សឹមៗទៅមុខឥតមានអ្វីត្រូវទទួលអម្រែកធ្ងន់ធ្ងរនាំលំបាកនោះទេ។ក្រៅពីនេះទាំងស្ត្រីបុរសបើមានបញ្ហាអ្វីកើតទ្បើងពិសេសក្នុងក្រុមគ្រួសារលោកអ្នកមិនត្រូវដើររាយរាប់ប្រាប់គេឯងឱ្យបានដឹងដើម្បីរំសាយកំហឹងនោះដែរពីព្រោះនាំតែមនុស្សដដែលនេះគេមាក់ងាយនៅពេលក្រោយវិញប៉ុណ្ណោះ។
ជំនួញ ៖ អ្នកប្រកបរបររកស៊ីជួញដូរជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទណាមួយកើតឡើងត្រូវប្រឈមមុខនៅថ្ងៃខាងមុខ។
ស្នេហា ៖ ស្នេហាប្រុសស្រីមានការងាយទាំងថ្នាំងថ្នាក់និងក៏ងាយត្រូវរ៉ូវវិញ៕
ឆ្នាំមមី
ដួងជតារាសី ៖ រាសីល្អជាមធ្យម។នាពេលនេះឃើញថាដំណើរជីវិតរបស់លោកអ្នកបានផ្លាស់ប្តូរមកគ្រាន់គាប់ប្រសើរវិញបន្ទាប់ពីបានពុះពារផលលំបាកអស់រយះពេលជាច្រើនខែកន្លងមក។
ការងារ ៖ នាពេលនេះឃើញថាដំណើរជីវិតរបស់លោកអ្នកបានផ្លាស់ប្តូរមកគ្រាន់គាប់ប្រសើរវិញបន្ទាប់ពីបានពុះពារផលលំបាកអស់រយះពេលជាច្រើនខែកន្លងមក។
ជំនួញ ៖ អ្នកប្រកបរបរកស៊ីជួញដូរក្នុងពេលនេះមានការរីកដុះដាលយឺតណាស់ ហើយពិសេសកើតមានរឿងរាវប្រទាំងប្រទើសច្រើនបន្តិចពីព្រោះមានក្រុមមនុស្សឈ្នានីសព្យាបាទម្ល៉ោះហើយទាល់តែចេះធ្វើគធ្វើថ្លង់ខ្លះទើបបានសុខស្រួលខ្លួន។
ស្នេហា ៖ ស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមែ
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីក៏តែងមិនឆ្លើយតបផ្លែផ្កាប៉ុន្មានទេហើយពិសេសងាយកើតបញ្ហានៅពេលក្រោយថែមទៀត។
ជំនួញ ៖ អ្នកប្រកបរបររកស៊ីជួញដូរវិញបើចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
ស្នេហា ៖ ស្នេហាកំលោះក្រមុំមិនសូវមានការលូតលាស់ទៅមុខ ហើយពិសេសងាយកើតជម្លោះវិវាទថែមទៀតដោយសារតែការមិនសូវចេះអត់ឱនឱ្យគ្នាឡើយ៕
ឆ្នាំវក
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកទោះធ្វើអ្វីឬទៅណាមកតែងមានភ្លើងខៀវបើករង់ចាំជានិច្ច ហេតុនេះបើចង់ប្រកបការងារអ្វីឃើញថាតែងជឿនលឿនទៅមុខផងដែរ។
ជំនួញ ៖ អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំដុំទៅរួច។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ស្នេហាប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំរកា
ដួងជតារាសី ៖ រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារដួងរាសីឡើងខ្ពស់ ម្ល៉ោះហើយផ្តល់ផលល្អក្នុងការសម្រេចចិត្តអ្វីមួយឬប្រកបការងារអ្វីមួយផង។
ជំនួញ ៖ សម្រាប់អ្នកប្រកបរបររកស៊ីជួញដូរការចង់ចេញធ្វើជំនួញទីជិតឆ្ងាយតែងហុចផ្លែផ្កាគួរជាទីកក់ក្តៅ តែយ៉ាងណាមិនត្រូវឈ្លក់វង្វេងនឹងល្បែងស៊ីសងឡើយប្រយ័ត្នឧបទ្រពចង្រៃយាយីកើតតែបញ្ហាមិនចេះចប់។ការធ្វើដំណើរទីជិតឆ្ងាយមិនថាតាមផ្លូវគោកផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សាន្តដូចសព្វមូយដង។
ស្នេហា ៖ ស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចគាប់បំណង៕
ឆ្នាំច
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដោយសារដួងរាសីធ្លាក់ស្រុតចុះ ម្ល៉ោះហើយទោះធ្វើអ្វីក៏ដោយតោងតែប្រយ័ត្នប្រយែងទើបមិនមានបញ្ហាមិនល្អណាមួយចោទឡើង។
ជំនួញ ៖ អ្នកប្រកបការងាររាជការឬក្រុមហ៊ុនឯកជនក្តីទោះធ្វើអ្វីកុំរឹងចចេសឬមិនស្តាប់អ្នកដទៃប្រយ័ត្នត្រូវធ្លាក់ទឹកគ្មាននរណាជួយស្រោចស្រង់។ការធ្វើដំណើរទីជិតឆ្ងាយមិនថាផ្លូវទឹក,ផ្លូវគោក,ផ្លូវអាកាសក្តីជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ស្នេហាកំលោះក្រមុំ មានភាពស្រស់ស្រាយនិងផ្អែមល្ហែមប្រពៃ៕
ឆ្នាំកុរ
ដួងជតារាសី ៖ រាសីល្អជាមធ្យម។
ការងារ ៖ ថ្ងៃនេះដំណើរជីវិតរបស់លោកអ្នកមានការជឿនលឿនទៅមុខយឺតបន្តិច ប៉ុន្តែយ៉ាងណារាល់ការប្រកបកិច្ចការអ្វីលោកអ្នកគួរប្រយ័ត្នប្រយែងពិសេសការងារណាដែលមិនច្បាស់លាស់កុំប្រថុយប្រថានប្រយ័ត្នផ្ទុះជារឿងរាវបែកជាអូរហូរជាស្ទឹង។ សម្រាប់អ្នកប្រកបការងាររាជការឬក្រុមហ៊ុនឯកជនវិញមានការប្រទាំងប្រទើសជាមួយមិត្តភក្តិបន្តិចចូរប្រយ័ត្នកើតជម្លោះវិវាទ។
ជំនួញ ៖ អ្នកប្រកបរបររកស៊ីជួញដូរកុំសម្លឹងលាភធំដុំភ្លេចលាភតូចតាចព្រោះចំណូលភាគច្រើនបានតែតូចតាចប៉ុណ្ណោះ។
ស្នេហា ៖ ស្នេហាប្រុសស្រីចូរកុំយកភាពមានះចង់ចាញ់ឈ្នះគ្នាច្រើនដាក់ខ្លួនប្រយ័ត្នកកើតមានជម្លោះវិវាទឈានដល់ការបែកបាក់៕