ភ្នំពេញ៖ កីឡាករជម្រើសជាតិផ្នែកម៉ូតូទឹកដែលជាជនជាតិខ្មែរឥស្លាមបានសរសេរសាររៀបរាប់ថា ស្របពេលដែលមេរោគដ៏កាចសាហាវនេះ កំពុងវាយប្រហារពិភពលោក ក៏ដូចជាប្រទេសកម្ពុជាផងដែរនោះ រាល់ការប្រកួតកីឡាគ្រប់ប្រភេទ ត្រូវបានបិទទាំងស្រុង ហើយលោកក៏ស្នើសូមដល់បងប្អូនប្រជាពលរដ្ឋ កុំជេរប្រមាថខ្មែរគ្នាឯងដូច្នេះ ដោយលោកអះអាងថា គឺមានតែខ្មែរគ្នាឯងប៉ុណ្ណោះ ដែលចេះជួយគ្នានិងស្រឡាញ់គ្នា និងលើកកិត្តិយសជាតិឲ្យល្បីល្បាញលើពិភពលោក។ នេះបើតាមការរៀបរាប់របស់កីឡាករជម្រើសជាតិម៉ូតូទឹកកម្ពុជា សាលីអ៊ូមេីត ។
កីឡាករម៉ូតូទឹកដែលជាម្ចាស់មេដាយមាសបានសរសេរសារនៅថ្ងៃទី 26 ខែមីនានេះថា “ជម្រាបសួរពុកម៉ែបងប្អូនទាំងអស់គ្នា…ពេលនេះគេបិទរាល់កម្មវិធីកាប្រកួតអស់ហើយពេលនេះស្ងាត់បន្តិចហើយព្រោះជំងឺបានវាយប្រហារពេញពិភពលោកដូច្នេះសូមថែរក្សាសុខភាពផង”។
កីឡាករឆ្នើមប្រចាំកម្ពុជាបានលើកឡើងបន្ថែមថា “ហើយជាចុងក្រោយសូមកុំជេរប្រមាថមើលងាយខ្មែរគ្នាឯងអីព្រោះគ្មានអ្នកណាសរសេីរយេីងឡើយមានតែគេសេីចចំអកឲ្យយើងទៅវិញទេដូច្នេះហើយយេីងជួយគ្នាលើកស្ទួយមុនមាត់ប្រទេសជាតិយើងវិញកុំឲ្យប្រទេសគេមេីលងាយយើងបាន”៕ ដោយ៖កូឡាប