ស្ត្រីម្នាក់បានទៅប្តឹងទៅប៉ូលិស ដោយអះអាងថានាងត្រូវបានគេចាប់រំលោភ។ ស្ត្រីរូបនេះក្រោយមក ស្រាប់តែមកដកពាក្យបណ្តឹងវិញដោយបញ្ជាក់ថា នាងបានបង្កើតរឿងរ៉ាវនេះឡើងដោយសង្ឃឹមថានឹងទទួលបានការធ្វើតេស្តរក Covid-19 ។ រឿងដ៏ហួសចិត្តនេះបានកើតឡើង កាលពីថ្ងៃទី ២៣ ខែមីនាឆ្នាំ ២០២០ នៅពេលដែលស្ត្រីឈ្មោះ Rapee អាយុ ៥០ ឆ្នាំ បានមកប្តឹងប៉ូលិសនៅខេត្ត ឈុនបុរី ប្រទេសថៃ។
Rapee បានបញ្ជាក់ប្រាប់ប៉ូលិសថាថា នាងជាអ្នកខេត្តសុរិន្ទ ។ ខណៈនាងកំពុងស្ថិតនៅឯផ្សារមួយ ក៏មានបុរសម្នាក់ឈ្មោះ Dam បានមករកនាង ហើយបានអញ្ជើញនាង Rapee ទៅលេងប្រពន្ធនៅផ្ទះរបស់ដែលកំពុងមានជំងឺមហារីកសុដន់។ Rapee បានឃើញបុរសនេះពីរបីដង ដូច្នេះនាងក៏ដើរតាមគាត់ត្រឡប់ទៅផ្ទះរបស់គាត់។ ពេលទៅដល់ នាងពុំរកឃើញប្រពន្ធរបស់គាត់នោះទេ។ Dam បានស្រវឹង ហើយបង្ខំឱ្យ Rapee ផ្តល់ឱ្យគាត់នូវចំណង់ផ្លូវភេទ។ Rapee បានប្រាប់ Dam ថាស្ថានភាព Covid-19 គឺពិតជាគួរឱ្យខ្លាចណាស់ ប៉ុន្តែគាត់មិនបានស្តាប់ និងបង្ខំនាងតែម្តង។ Rapee ថែមទាំងបានប្រាប់ប៉ូលិសផងដែរថា Dam បានស្រឡាញ់នាងជាយូរមកហើយៗ នាងបានមកដល់ស្ថានីយ៍ប៉ូលិសភ្លាមៗ បន្ទាប់ពីបានរត់គេចចេញពីផ្ទះរបស់គាត់។
ប៉ូលិសបានកោះហៅ Dam អាយុ ៥៥ ឆ្នាំ មកសួរនាំនៅប៉ុស្តិ៍នៅថ្ងៃដដែល។ Dam បាននិយាយថា គាត់ស្គាល់ Rapee ច្បាស់ណាស់ គាត់តែងតែហៅនាងថា“ ស្រីតូច” ហើយនៅថ្ងៃនោះ គាត់បានប្រាប់នាងឲ្យម៉ាស្សា។ នៅពេល Rapee មកដល់ផ្ទះរបស់គាត់ នាងបានផឹកស្រាវីស្គីថៃចំនួន ២ ដូស ហើយពួកគេព្រមព្រៀងគ្នាថា សេវាម៉ាស្សានេះក្នុងតម្លៃ ៣.០០០ បាត។ បន្ទាប់ពីអ្នកទាំង ២ ត្រូវបានធ្វើរួច Dam បានបង់ថ្លៃ Rapee ២៥០០ បាតហើយសន្យាថានឹងសងលុយនៅខ្វះនៅថ្ងៃទី ២៤ ។ ប៉ុន្តែ គាត់ពិតជាមានការភ្ញាក់ផ្អើលយ៉ាងខ្លាំង នៅពេលប៉ូលិសបានជូនដំណឹងដល់គាត់អំពីរបាយការណ៍ប្តឹងគាត់បែបនេះ។
Rapee បានមកជួប Dam ហើយបានសារភាពថា អ្វីដែលគាត់បានលើកឡើងគឺជាការពិត។ នាងហាក់ដូចជាស្រវឹង ហើយបានអះអាងថាបន្ទាប់ពីចាកចេញពីផ្ទះរបស់គាត់ នាងខ្លាចឆ្លងជំងឺ Covid-19 ។ នាងចង់ទៅពិនិត្យរកមេរោគកូរ៉ូណា (covid-19) នៅឯមន្ទីរពេទ្យឈុនប៊ូរី ប៉ុន្តែនាងមិនដឹងថានាងនឹងផ្តល់ហេតុផលអ្វីដល់គ្រូពេទ្យនោះទេ ហេតុនេះនាងសម្រេចចិត្តធ្វើរបាយការណ៍នេះទៅកាន់ប៉ូលិសតែម្តងទៅ។
បន្ទាប់ពីការពិតត្រូវបានបញ្ចេញ នាង Rapee ក៏បានដកពាក្យបណ្តឹងវិញ ដោយអះអាងថានាងមិនបានដឹងថា វានឹងធ្វើឲ្យរឿងនេះក្លាយជារឿងដ៏ធំនោះទេ ព្រោះថានាងគ្រាន់តែចង់ដឹងថាតើនាងមាន Covid-19 ដែរ ឬអត់ បន្ទាប់ពីមានទំនាក់ទំនងជាមួយ Dam ៕
ប្រែសម្រួល៖ លឹម ហុង (ប្រភព៖ Sanook)