កំពងឆ្នាំង ៖ ស្ត្រីម្នាក់ដែលគេដឹងថាមានស្វាមីរួចទៅហើយនោះ បានចងក សម្លាប់ខ្លួន ដែលគេដាក់ការសង្ស័យថា ព្រោះតែរឿងចាញ់បោកប្រុសស្នេហ៍អស់លុយ៣ម៉ឺនដុល្លារ ។ ហេតុការណ៍នេះកើតឡើង នៅក្នុងសណ្ឋាគារ ផាម៉ា ក្នុងបន្ទប់លេខ២០៣ នាថ្ងៃទី២៥ ខែមីនា ឆ្នាំ២០២០។
ការស្លាប់របស់ស្ត្រីរូបនោះ គេសង្ស័យថា មានការចាញ់បោកបុរសម្នាក់ដែលជាប្រុសស្នេហ៍ អស់លុយ៣ម៉ឺនដុល្លារ ក្រោយមកទៀត ក៏ត្រូវបុរសនោះ យកលុយអស់១៧០០ដុល្លារបន្ថែមទៀត ទើបកើតជំងឺផ្លូវចិត្ត មិនហ៊ានចូលផ្ទះ ដោយសារអស់លុយពីខ្លួន ទើបសម្រេចចិត្តចងកសម្លាប់ខ្លួន ដើម្បីបញ្ចប់បញ្ហា។ ស្ត្រីនោះ មានឈ្មោះ ម៉ៅ ដារាមី អាយុ៣១ឆ្នាំ មានទីលំនៅភូមិអារីយក្សត្រ ឃុំអារីយក្សត្រ ស្រុកល្វាឯម ខេត្តកណ្តាល ។
ដោយយោងតាមកំណត់ហេតុរបស់សមត្ថកិច្ច បានសន្និដ្ឋានថា ស្ត្រីនោះ ពិតជាថងកសម្លាប់ខ្លួនមែន៕
ដោយ៖បញ្ញាស័ក្តិ
