នោះជាអ្វីដែលបានកើតឡើងចំពោះនាង Katelyn Tan ដែលសិក្សានៅមហាវិទ្យាល័យសាកលវិទ្យាល័យឡុងដ៍ UCL និងបានរកឃើញថានាងបានឆ្លងវីរុសនេះពេលត្រឡប់មកដល់ផ្ទះវិញ នៅក្នុងប្រទេសម៉ាឡេស៊ី។
នៅក្នុងការបង្ហោះលើ Instagram នាង Katelyn Tan បានចែករំលែកអំពីចំណុចគួរឲ្យសង្ស័យនៃការឆ្លងកូវីដ-១៩ ដែលគ្រប់គ្នាត្រូវដឹង ព្រោះនាងមិនបានដឹងថា នាងបានឆ្លងវីរុសនេះនោះទេ ដោយសារតែគ្មានរោគសញ្ញាអ្វីទាំងអស់!
នាងបានពន្យល់ថា នាងបានមកដល់ប្រទេសម៉ាឡេស៊ីនៅថ្ងៃអាទិត្យទី ២២ ខែមីនា ហើយនៅពេលនាងទៅដល់ផ្ទះ ឪពុកម្តាយរបស់នាងបានជំរុញឱ្យនាងធ្វើតេស្តដើម្បីរកវីរុស Covid-19 ។
នាងនិយាយថា៖ “ខ្ញុំមិនមានរោគសញ្ញាអ្វីក្រៅតែពីការបាត់រសជាតិ និងក្លិនបន្តិច (ភាគច្រើនមានបទពិសោធន៍ពេលខ្ញុំនៅមន្ទីរពេទ្យ) ប៉ុណ្ណោះ ។ ក្រៅពីនេះខ្ញុំមិនអីទេ!” ។
ទោះយ៉ាងណា ក្រោយលទ្ធផលពិនិត្យសំណាក ២ថ្ងៃបន្ទាប់មក គ្រូពេទ្យបានប្រាប់នាងថា នាងវិជ្ជមានជំងឺ Covid-19 ហើយបន្ទាប់មក នាងត្រូវបានគេបញ្ជូនតាមរថយន្តសង្គ្រោះទៅកាន់ UMMC ។
នាង Katelyn និយាយថា ដំបូងនាងខ្លាចខ្លាំងណាស់ ព្រោះនាងមិនស្គាល់នរណាម្នាក់នៅមន្ទីរពេទ្យ ហើយនាងមានអារម្មណ៍ឯកោខ្លាំងណាស់នៅក្នុងពេលនោះ។
“ខ្ញុំតែងតែជាមនុស្សវិជ្ជមាន ប៉ុន្តែវាពិតជាពិបាកក្នុងការបង្ហាញនូវទឹកមុខក្លាហាន នៅពេលដែលខ្ញុំទទួលយករឿងនេះ។ ការនៅឆ្ងាយពីមិត្តភក្តិ និងក្រុមគ្រួសាររបស់ខ្ញុំ គឺពិបាកខ្លាំងណាស់ នៅកន្លែងដែលខ្ញុំមិនស្គាល់នរណាម្នាក់សោះ។
ម្យ៉ាងទៀត នាងមិនដឹងថាតើនាងឆ្លងវីរុសពីពេលណា និងកន្លែងណាទេ ដោយសារនាងមិនបានទាក់ទងជាមួយមនុស្សវិជ្ជមានជំងឺនេះណាមួយផងហ្នឹង។ នៅពេលនាងបានជូនដំណឹងអំពីការទាក់ទង គ្រូពេទ្យបានប្រាប់នាងថា មានមនុស្សពីរបីនាក់ផ្សេងទៀតនៅក្នុងការហោះហើរជាមួយនាងដែលបានឆ្លងវីរុសនេះដែរ។
នាងបានបន្ថែមទៀតថា ពេលត្រឡប់មកផ្ទះវិញនាងបានឃ្លាតឆ្ងាយពីក្រុមគ្រួសាររបស់នាងផងដែរ ហើយសម្រាប់រឿងនេះនាងពិតអរគុណខ្លាំងណាស់។
នាងបានប្រាប់ថា នាងមានសុខភាពល្អនៅមន្ទីរពេទ្យ ហើយរោគសញ្ញាតែមួយគត់ដែលនាងកំពុងជួបប្រទះនៅពេលនេះ គឺការបាត់បង់ក្លិន និងរសជាតិ ប៉ុណ្ណោះ។ ទោះយ៉ាងណាក៏ដោយ វាពិបាកនឹងប្រាប់ពីអ្វីដែលកំពុងកើតឡើង ដោយសារតែការធ្វើតេស្តរបស់នាងបង្ហាញថានាងនៅតែស្ថិតក្នុងដំណាក់កាលដំបូងនៅឡើយ។
ទោះយ៉ាងណា នាងសូមថ្លែងអំណរគុណដល់បុគ្គលិកពេទ្យទាំងអស់ ដែលស្ថិតនៅទាំងជួរមុខ និងក្រោយ ពីព្រោះពួកគេកំពុងបម្រើសេវាកម្មដ៏ធំធេងដល់ប្រទេសម៉ាឡេស៊ីទាំងមូល ៕
ប្រែសម្រួល៖ លឹម ហុង (ប្រភព៖ worldofbuzz)