នារីរូបស្រស់ស្អាតម្នាក់ដែលមានអាខោនហ្វេសប៊ុក Nita Chheng បានចូលខ្លួនមកធ្វើការសុំទោសជាសាធារណៈ និងធ្វើកិច្ចសន្យា នៅចំពោះមុខសមត្ថកិច្ច នាវេលាម៉ោង ១៤:០០នាទី រសៀល ទី២៦ ខែមីនា ឆ្នាំ២០២០ នេះ បន្ទាប់ពីនាងបានបង្ហោះសារនៅលើហ្វេសប៊ុក ប្រមាថទៅលើអាយុជីវិតមន្ត្រីប៉ូលីសចរាចរណ៍ ទាក់ទងនឹងករណីរូបនាងបើកបរល្មើសច្បាប់ចរាចណ៍ មិនទទួលស្គាល់កំហុសខ្លួន តែបែរជាផ្ទុះកំហឹង និងប្រើពាក្យសម្តីមិនសមរម្យទៅលើសមត្ថកិច្ចទៅវិញ ។
នៅមុននេះបន្តិច (ថ្ងៃទី២៦ ខែមីនា ឆ្នាំ២០២០) យោងតាមទំព័រហ្វេសប៊ុក ស្នងការដ្ឋាននគរបាលរាជធានីភ្នំពេញ បានបង្ហោះឲ្យដឹងថា៖ «នៅវេលាម៉ោង ១៤និង០០នាទី រសៀលថ្ងៃព្រហស្បតិ៍ ទី២៦ ខែមីនា ឆ្នាំ២០២០ នារីម្នាក់ឈ្មោះ ព្រាប ម៉ៃកា អាយុ២៥ឆ្នាំ មុខរបរលក់ផលិតផលតាមអនឡាញ ដែលបានបេីកបរល្មេីសស្លាកសញ្ញាចរាចរណ៍ និងផុសពាក្យសំដី ប្រមាទ មេីលងាយ ដល់មន្ត្រីចរាចរណ៍ នៅលេីគណនីហ្វេសបុករបស់ខ្លួនដែលមានឈ្មោះ Nita Chheng កាលពីថ្ងៃទី២៤ ខែមីនា ឆ្នាំ២០២០ បានចូលខ្លួនមកសារភាពកំហុសដែលខ្លួនបានប្រព្រឹត្ត ក៏ដូចជាការធ្វេីកិច្ចសន្យា និងសុំទោសជាសារណ:ដល់សមត្ថកិច្ច និងប្រជាពលរដ្ឋទូទៅផងដែរ ។»
ក្រោយទទួលស្គាល់កំហុងរបស់ខ្លួន លក់ផលិតផលតាមអនឡាញរូបនេះ សូមឲ្យសមត្ថកិច្ចទាំងអស់ និងក៏ដូចប្រជាពលរដ្ឋ មានការយោគយល់ដល់រូបនាងផង ។ ហើយជាមួយគ្នានេះផងដែរ នាងក៏សំណូមពរដល់ប្រជាពលរដ្ឋទាំងអស់ ចូលរួមគោរពច្បាប់ចរាណ៍ ដើម្បីការពារអាយុជីវិតខ្លួនឯង និងអ្នកដទៃ ជាពិសេសសូមប្រជាពលរដ្ឋ កុំប្រើពាក្យសម្តីមិនសមរម្យ ជេរប្រមាថសមត្ថកិច្ចរូបជានាង ៕ ដោយ៖ លឹម ហុង