បាត់ដំបង៖ ក្រសួងបរិស្ថាន នៅថ្ងៃទី២៦ ខែមីនា ឆ្នាំ២០២០ បានចេញប្រកាសព័ត៌មានថា មន្ត្រីឧទ្យានុរក្ស
បានស្ទាក់ចាប់បទល្មើសលួចកូនសត្វននាលពណ៌ ចំនួន ១២៣ក្បាល ដែលជនល្មើសចូលលួចក្នុងបន្ទាយសត្វ។
ជនល្មើសចូលលួចក្នុងបន្ទាយសត្វ យកមកទម្លាក់ទុកចោលរួចក៏រត់គេចខ្លួនបាត់ទៅ។
សូមបញ្ជាក់ថា កាលពីថ្ងៃទី២៥ ខែមីនា ឆ្នាំ២០២០ តំបន់រ៉ាមសារព្រែកទាល់ ភូមិសាស្ត្រខេត្តបាត់ដំបង លោកប្រធានស្នាក់ការបានដឹកនាំកម្លាំងមន្ត្រីឧទ្យានុរក្ស និងមន្ត្រីស្ម័គ្រចិត្តសហគមន៍ ចំនួន ១២នាក់ ចុះល្បាតនិងទប់ស្កាត់បទល្មើសនៅត្រង់ចំណុចខ្នងព្រែកមូស លុះដល់វេលាម៉ោង២រំលងអធ្រាត្រ ឈានចូលថ្ងៃទី២៦ ខែមីនា ឆ្នាំ២០២០ ក្រុមការងារ បានស្ទាក់ចាប់បទល្មើសលួចកូនសត្វននាលពណ៌ ចំនួន ១២៣ក្បាល ដែលជនល្មើសចូលលួចក្នុងបន្ទាយសត្វ យកមកទម្លាក់ទុកចោលរួចក៏រត់គេចខ្លួនបាត់ទៅ។
សូមជម្រាបថា តាំងពីដើមមក ពុំធ្លាប់មានបទល្មើសលួច ចូលចាប់សត្វទ្រង់ទ្រាយធំបែបនេះទេ ហើយសមត្ថកិច្ចក៏កំពុងតាមដានរឿងនេះដែរ។ បន្ទាប់មកក្រុមការងារ បាននាំយកវត្ថុតាងទាំងនោះ ធ្វើការដុតកម្ទេចចោលនៅទីស្នាក់ការក្នុងឃុំកោះជីវាំង ស្រុកឯកភ្នំ ខេត្តបាត់ដំបង៕ដោយ៖កូឡាប