ភ្នំពេញ៖ “គ្មានអ្នកណាសម្លាប់យើង ល្អជាងយើងសម្លាប់ខ្លួនឯងនោះទេ” ឯកឧត្តមឧត្ដមសេនីយ៍ឯក ហ៊ុន ជា ស្នើឲ្យសមត្ថកិច្ចជំនាញ ចាត់វិធានការច្បាប់ចំពោះ បុគ្គលឈ្មោះ នី ណាក់ ដែលបានប្រមាថថ្នាក់ដឹកនាំ និង ប្រមាថ ប្រជាជនកម្ពុជា ដូចដែលសមត្ថកិច្ចធ្វើចំពោះចំប៉ីខ្មៅ កន្លងមកដែរ ។
ការប្រមាថមើលងាយមើលថោក ពីសំណាក់ ឈ្មោះ នី ណាក់ ចំពោះប្រជាជន ដែលកំពុងជំពាក់បំណុលធនាគារ ធ្វើឲ្យមហាជនផ្ទុះកំហឹងកក្រកើកហ្វេសប៊ុក និងបានស្នើឲ្យ សមត្ថកិច្ចកសាងសំណុំរឿង ចាត់ការបុគ្គលនេះតាមច្បាប់ ដោយគ្មានការលើកលែង ព្រោះបុគ្គលម្នាក់ប្រព្រឹត្តការប្រមាថជាច្រើនលើកមកហើយ ហើយធ្វើការសុំទោសបែរជារួចខ្លួនយ៉ាងរំភើយ។
បន្ទាប់ពីដឹងថាខ្លួនមានកំហុស បុគ្គលឈ្មោះ នី ណាក់ បានចេញមុខសុំទោសជាបន្តបន្ទាប់ តែការសុំទោសរបស់ បុគ្គលនេះ មិនអាចទប់អារម្មណ៍មហាជនបានទេ ។
ឧត្ដមសេនីយ៍ឯក ហ៊ុន ជា កាលពីថ្ងៃទី២៦ខែមីនា បានសរសេរសារលើហ្វេសប៊ុក បានលើកឡើងថា “បើមានបងប្អូនណាស្គាល់ផ្ទះរបស់បុគ្គលនេះ សូមជួយប្រាប់ផង ដើម្បីឲ្យ សមត្ថកិច្ចទៅរកគាត់យកមកចាត់ការតាមច្បាប់ ។
វាហាក់ដូចជាមិនយុត្តិធម៌សំរាប់ចំប៉ីខ្មៅ!!! មែនទេបងប្អូន????”
ឧត្ដមសេនីយ៍ឯក បានបន្ថែមថា “មានបងប្អូនជាច្រើនបាន ខមិន និងឆាតផ្ទាល់មកកាន់រូបខ្ញុំបាទ ព្រមទាំងរៀបរាប់ពីការខឹងសម្បាទៅលើទង្វើរបស់បុគ្គល ឈ្មោះ នី ណាក់ ដែលជាម្ចាស់ទំព័រហ្វេសប៊ុកផេក IMan-KH ដែលប្រមាថមើលងាយ តាំងពីប្រមុខថ្នាក់ដឹកនាំរហូតដល់ប្រជាពលរដ្ឋធម្មតា។ ក្នុងនាមខ្ញុំជាប្រជាពលរដ្ឋខ្មែរមួយរូប សូមថ្កាល់ទោសយ៉ាងខ្លាំងចំពោះបុគ្គលរូបនេះ។
ហើយក្នុងនោះផងដែរ ខ្ញុំក៏សុំស្នើសូមឲ្យសមត្ថកិច្ចពាក់ព័ន្ធ ជួយចាត់វិធានការក្ដៅលើបុគ្គលម្នាក់នេះ ឲ្យខាងតែបាន និងឲ្យបុគ្គលម្នាក់នេះធ្វើការសុំទោសជាសាធារណៈ ដល់ប្រមុខថ្នាក់ដឹកនាំ និងប្រជាជនកម្ពុជាទាំងអស់។ មិនគួរឲ្យបុគ្គលបែបនេះអាចមានសេរីភាពប្រមាថលើប្រជាជាតិខ្មែរបែបនេះទេ”។
បើតាមឯកឧត្តមឧត្ដមសេនីយ៍ឯក ហ៊ុន ជា បើតាមព័ត៌មានដែលខ្ញុំទទួលបាន គឺបុគ្គលនេះ ស្នាក់នៅភ្នំពេញ។ ដូច្នេះសូមឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ មានចំណាត់ការលើបុគ្គលនេះដោយពុំមានការលើកលែងឲ្យសោះ ។ ដោយក្ដីគោរពស្រឡាញ់ ពីខ្ញុំ ហ៊ុន ជា។ សម្រាប់ខ្ញុំគឺគាំទ្រ បញ្ជូនជននេះចូលគុក!!!
ចុះបងប្អូនវិញ?…..គិតយ៉ាងណា សូមបងប្អូនខមិនម្នាក់មួយមក!!! ខ្ញុំនៅតែប្រើពាក្យថា មានតែខ្មែរទេ ដែលស្រឡាញ់ខ្មែរឥតលក្ខខណ្ឌ និងឥតប្រែប្រួល….. ខ្មែររួមគ្នា ទើបខ្មែរខ្លាំង….។
មួយរយៈក្រោយនេះ មានម្ចាស់ហ្វេសប៊ុកផេកឈ្មោះ IMan-KH បានវាយប្រហារទៅលើប្រមុខថ្នាក់ដឹកនាំរបស់ប្រទេសកម្ពុជា ដែលលោកបានលះបង់ទាំងកាយ ទាំងចិត្តមកលើប្រទេសដ៏កម្សត់មួយនេះ ហើយជាពិសេសគាត់ថែមទាំងប្រមាថលើបងប្អូនកម្មករ និងប្រជាពលរដ្ឋខ្មែរទាំងអស់គ្នាថែមទៀត ដោយប្រើពាក្យថាអ្នកដែលជំពាក់លុយធានាគារ ហើយស្នើសុំសម្ដេចនាយករដ្ឋមន្ដ្រីអន្តរាគមន៍ គឺជាមនុស្សចោលម្សៀតគ្មានបានការ និងជាជនថោកទាបបំផុត ហើយដោយពួកគាត់គ្រាន់តែធ្វើការស្នើសុំ ជាសិទ្ធិរបស់ពួកគាត់ទេ។ តែពួកគាត់មិនគួរឲ្យលោកមកប្រមាថធ្ងន់ៗៗៗបែបនេះទេ។
ហើយការប្រមាថនេះ និងនាំឲ្យប្រជាពលរដ្ឋមានការរើសអើង និងអាចឈានដល់ការប្រើអំពើហឹង្សាទៀតផង ការប្រមាថនេះ គួរតែធ្វើឲ្យដូច ចំប៉ីខ្មៅ ទើបសាកសម!!!!។ ការប្រមាថទាំងនេះ វាពិតជាពិបាកក្នុងការទទួលយកណាស់ មិនថាខ្លួនខ្ញុំផ្ទាល់ ក៏ដូចជាប្រជាពលរដ្ឋទាំងអស់គ្នា។ ការសុំទោសរបស់គាត់ ក៏ហាក់មិនទទួលស្គាល់ការពិតពីកំហុករបស់អ្នកដែរ។
សូមបងប្អូនមានសមត្ថកិច្ចពាក់ព័ន្ធ ក៏ដូចជាតុលាការសូមជួយចាត់វិធានការ លើបុគ្គលរូបនេះ មកដាក់ទោសតាមច្បាប់ឲ្យខាងតែបាន ដើម្បីកុំឲ្យបុគ្គលរូបនេះដើរបំពុលសង្គមតទៅទៀត។ ក្នុងរយៈពេលនេះសូមបងប្អូន សាមគ្គីគ្នា និងចេះជួយគ្នាទើបខ្មែរ រីកចម្រើន។
ស៊ូឡើងបងប្អូនខ្មែរ, ពីខ្ញុំ ហ៊ុន ជា ដោយក្ដីស្រឡាញ់។
ចំណែកអ្នកនិពន្ធ សំរែ បានរៀបរាប់ថា កាលពីមួយខែមុន ខ្ញុំបានទាក់ទងបុរសម្នាក់ ដើម្បីទិញសៀវភៅពីគាត់មកអាន។
គាត់មានអាសយដ្ឋាននៅក្បែរពេទ្យព្រះសង្ឃ។ ទាក់ទងតាមទូរស័ព្ទ គាត់ថាលក់តម្លៃ១ម៉ឺ៤ពាន់រៀល តែពេលខ្ញុំទៅយកគាត់គិតលុយពីខ្ញុំ២ម៉ឺន៤ម៉ឺនពាន់រៀល។ ខ្ញុំក៏ឱ្យ តែពេលខ្ញុំជិះម៉ូតូចេញមកវិញ បានប្រហែល១០ ម៉ែត្រ គាត់ក៏ស្រែកហៅថា ខ្ញុំឱ្យត្រឡប់ក្រោយ។ ពេលខ្ញុំមកជួបគាត់ គាត់ប្រាប់ថាខួរក្បាលគាត់បញ្ហា ការពិតសៀវភៅនេះ គឺលក់តែ១ម៉ឺន៤ពាន់រៀលទេ។
គាត់បានសុំទោស ហើយឱ្យលុយមកខ្ញុំមួយម៉ឺនរៀលវិញ។ មុខគាត់ស្រដៀងមនុស្សក្នុងរូបនេះ ដែលត្រូវគេរិះគន់ រឿងគាត់ដៀលខ្មែរប៉ុន្មានថ្ងៃនេះ៕ ដោយ ៖ កូឡាប
