ត្រឹមតែរយៈពេល ៦ថ្ងៃចុងក្រោយ នៅអ៊ីតាលី មានមនុស្សចំនួន ៤.១៣៣នាក់បានស្លាប់ដោយសារវីរុសកូរ៉ូណា ពោលក្នុងមួយថ្ងៃមានអ្នកស្លាប់យ៉ាងតិច ៦០០នាក់។
បើតាមទិន្នន័យ កាលពីថ្ងៃសៅរ៍ មានអ្នកស្លាប់ចំនួន ៧៩៣នាក់ ថ្ងៃអាទិត្យ (៦៥០នាក់) ថ្ងៃចន្ទ (៦០២នាក់) ថ្ងៃអង្គារ (៧៤៣នាក់) ខណៈដែលថ្ងៃពុធ និងថ្ងៃព្រហស្បតិ៍មានអ្នកស្លាប់ ៦៨៣នាក់ និង ៦៦២នាក់។
រហូតមកដល់ពេលនេះ ចំនួនអ្នកស្លាប់សរុបក្នុងប្រទេសអ៊ីតាលីបានកើនដល់ ៨.១៦៥នាក់។
ចំណែកអ្នកឆ្លងកើនពី ៧៤.៣៨៦នាក់ មកដល់ ៨០.៥៣៩នាក់។
សូមបញ្ជាក់ថា បច្ចុប្បន្ន អ៊ីតាលីកំពុងឈរនៅកំពូលតារាង ដែលមានអ្នកស្លាប់ច្រើនបំផុតក្នុងលោក ខណៈដែលប្រទេសនេះឈរតំណែងលេខ ៣ ដែលមានអ្នកឆ្លងច្រើនបំផុត តាមពីក្រោយចិន (៨១.៧៨២ករណី) និងអាមេរិច (៨៥.៥០៥ករណី)៕
អត្ថបទប្រែសម្រួលដោយ៖ សុភ័ក្រ
ប្រភព៖ Rueters/CSSE