ទោះបីជាវីរុសកូរ៉ូណាបានឆក់យកជីវិត និងឆ្លងទៅកាន់មនុស្សយ៉ាងច្រើនក្តី ប៉ុន្តែចំនួនអ្នកដែលជាសះស្បើយពីវីរុសមរណៈនេះក៏មានច្រើនគួរឲ្យកត់សម្គាល់ផងដែរ។
បើតាមទិន្នន័យរបស់មជ្ឈមណ្ឌលប្រព័ន្ធវិទ្យាសាស្ត្រ និងវិស្មកម្ម (CSSE) មានអ្នកជំងឺចំនួន ១២២.២០៣ បានជាសះស្បើយ ក្នុងនោះមានខេត្តហូបេ ដែលជាកន្លែងផ្ទុះនៃវីរុសនេះ មានអ្នកជាសះស្បើយច្រើនជាងគេ (៦១.២០១នាក់)។
ចំណែកប្រទេសផ្សេងៗដែលមានអ្នកជាសះស្បើយច្រើនដែរ មានដូចជា អ៊ីរ៉ង (១០.៤៥៧នាក់) អ៊ីតាលី (១០.៣៦១នាក់) អេស្ប៉ាញ (៧.០១៥នាក់) អាឡឺម៉ង (៥.៦៧៣នាក់) បារាំង (៤.៩៤៨នាក់) កូរ៉េខាងត្បូង (៤.១៤៤នាក់)…។
សូមបញ្ជាក់ថា វីរុសកូរ៉ូណា ឬ COVID-19 បានផ្ទុះឡើងដំបូងក្នុងប្រទេសចិន កាលពីចុងឆ្នាំ ២០១៩ ហើយរហូតមកដល់ពេលនេះ វីរុសដ៏កាចសាហាវនេះ បានផ្តាច់ជីវិតមនុស្សចំនួន ២៤.០៥៧នាក់ និងឆ្លងទៅកាន់មនុស្ស ៥៣១.៨៦០នាក់។
អ៊ីតាលីជាប្រទេសរងគ្រោះខ្លាំងជាងគេក្នុងរយៈពេល ១ខែចុងក្រោយនេះ ដោយមានអ្នកស្លាប់ចំនួន ៨.១៦៥នាក់ និងឆ្លង ៨០.៥៣៩នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ CSSE
