ម៉ាឡេស៊ី៖ មនុស្សស្រីប្រុស ៦ នាក់ នៅក្នុងទីក្រុង Kota Tinggi រដ្ឋ Johor ប្រទេសម៉ាឡេស៊ី ត្រូវបានចាប់ខ្លួនកាលពីម្សិលមិញ (២៦ មីនា) ពីបទប្រមូលផ្តុំគ្នានៅខាងក្រៅ ដើម្បីអបអរពិធីខួបកំណើត។
យោងតាមទំព័រហ្វេសប៊ុក Buletin TV3 បានឱ្យដឹងថា ប៉ូលិសនៅក្នុងទីក្រុង Kota Tinggi បានចាប់ខ្លួនមនុស្សអាយុស្របាលម្ភៃៗឆ្នាំ (ប្រុស ៣ ស្រី ៣) ពីបទល្មើសនឹងបទបញ្ជារបស់អង្គការចាត់ចែងថែទាំសុខភាព (MCO) នៅវេលាម៉ោង ៥ និង ៣០ នាទីល្ងាច នៅពេលដែលក្រុមនេះ បានប្រមូលផ្តុំគ្នាស្ថិតនៅ Laman Tun Sri Lanang, Jalan Niaga, Kota Tinggi ដើម្បីប្រារព្ធពិធីខួបកំណើត ។
ស្នងការប៉ូលិស Kota Tinggi លោក Ashmon Bajah បានប្រាប់ថា ក្រុមនេះត្រូវបានចាប់ខ្លួន នៅពេលក្រុមការងារប្រយុទ្ធប្រឆាំង Covid-19 កំពុងចុះធ្វើការប្រតិបត្តិការរបស់ពួកគេ ។ ទន្ទឹមនឹងការចោទប្រកាន់ក្មេងជំទង់ទាំងនោះ ពួកគេក៏គ្រប់គ្រងរឹបធុងបាស់ចល័តមួយ ដែលក្រុមនេះគ្រោងនឹងប្រើសម្រាប់ចាក់តន្ត្រី ក្នុងអំឡុងពេលប្រារព្ធពិធី។
ករណីនេះកំពុងត្រូវបានស៊ើបអង្កេតក្រោមវិធាន ៧ នៃការបង្ការនិងត្រួតពិនិត្យជំងឺឆ្លងឆ្នាំ២០២០ ក្នុងតំបន់ ៕
ប្រែសម្រួល៖ លឹម ហុង (ប្រភព៖ worldofbuzz)