ភ្នំពេញ៖ ក្រសួងសាធារណការ និងដឹកជញ្ជូន នឹងធ្វើការកែលម្អឡើងវិញ នូវផ្លូវជាតិលេខ ៧ (គ.ម ៣០០ ដល់ ៣៣១+២៥០) ផ្លូវជាតិលេខ ៧៣(គម ០០ ដល់ ៥០+០០០) ផ្លូវខេត្តលេខ ៣៧៧(គមលេខ ០០+៥០០ ដល់ ៣៦+០០០) និង ៣៧៧A(គមលេខ ០០+០០០ ដល់ ១៣+៦០០) ស្ថិតក្នុងខេត្តត្បូងឃ្មុំ និងខេត្តក្រចេះ ដើម្បីកែលម្អលើកគុណភាព ឲ្យប្រសើរឡើងវិញ ។ នេះបើតាមការប្រកាសរបស់ក្រសួងសាធារណការនិងដឹកជញ្ជូន ថ្ងៃទី២៧ខែមីនាឆ្នាំ២០២០។
គម្រោងកែលម្អនេះ ត្រូវបានផ្តល់ហិរញ្ញប្បទានវិនិយោគ ដោយធនាគារពិភពលោក (World Bank) ដែលនឹងធ្វើការចាក់អ៊ុតក្រាលកៅស៊ូ AC និងកៅស៊ូពីរជាន់ DBST ព្រោះវារឹងមាំធន់ទៅនឹងការបម្រែបម្រួលអាកាសធាតុ សំដៅជួយសម្រួលដល់ការធ្វើដំណើរពីតំបន់ជនបទ ឆ្ពោះទៅកាន់សាលារៀន មណ្ឌលសុខភាព ផ្សារ ទីប្រជុំជន និងបណ្តាញផ្លូវសំខាន់ៗផ្សេងទៀត៕ដោយ៖កូឡាប