ភ្នំពេញ៖ គ្រប់គ្នានៅក្នុងបណ្តាញសង្គម បានមានការភ្ញាក់ផ្អើល និងហួសចិត្តយ៉ាងខ្លាំង ដល់ថ្នាក់ជេរប្រទេចយ៉ាងធ្ងន់ៗ ទៅលើនារីម្នាក់បានណែនាំនៅលើបណ្តាញសង្គម Tik Tuk ឲ្យមនុស្សគ្រប់គ្នាយកពងមាន់មកស្ងោម្នាក់១គ្រាប់ៗ នោះវីរុសកូរ៉ូណា នឹងខ្លាចអត់ហ៊ានមកក្បែរទៀតឡើយ ។
ការចេញមុខមកនិយាយយ៉ាងចំហរបែបនេះ គឺដោយសារតែនាងមានសំណាងយ៉ាងច្បាស់ថា កូនមីងរបស់នាងដែលទើបនឹងកើតចេញមកប្រិចនៅក្នុងខេត្តតាកែវកាលពីវេលាម៉ោង៣យប់មិញ ស្រាប់តែចេះនិយាយ ដោយប្រាប់តែ៣ម៉ាត់ឲ្យធ្វើតាមវិធីខាងលើនេះ ។
បើទោះជាខំនិយាយការពារខ្លួនជាមុន មិនមែនបំណងចង់ល្បី ឬ មានចេតនាចង់លេងសើចបំពុលសង្គម យ៉ាងណាក៏ដោយ ក៏មហាជនដែលគ្រាន់តែឮនាំគ្នាហួសចិត្តលាន់មាត់ «ឆ្កួតឡប់» បាត់ទៅហើយ មិនបាច់ចាំដល់ជឿជំនឿផ្តេសផ្តាសនេះដែលខ្លាំងពូកែស័ក្តិសិទ្ធិ ខណៈដែលអ្នកវិទ្យាសាស្ត្រនៅលើពិភពលោក កំពុងស្រាវជ្រាវឡើងក្រញ៉ាញ់ខួរ ពុំទាន់រកឃើញថ្នាំណាឲ្យប្រាកដ ដើម្បី «កម្ចាត់» ជំងឺនេះនៅឡើយនោះ ៕ ដោយ៖ លឹម ហុង