ប្រទេសថៃ៖ ប្រជាជននៅក្នុងប្រទេសថៃ កំពុងនាំគ្នាសម្រុកទិញម្ហូបអាហារស្តុកទុក បន្ទាប់ពីការប្រកាសអំពីក្រឹត្យបន្ទាន់ ដែលបានចូលជាធរមានកាលពីថ្ងៃទី២៦ ខែមីនា ឆ្នាំ២០២០ ។ ក្នុងនោះ ផលិតផលមួយក្នុងចំណោមផលិតផលពេញនិយមបំផុត ដែលមានស្ទើរគ្រប់ផ្ទះបាយ និងអាចប្រើជាមុខម្ហូបមិនចេះរីងស្ងួត ។
បើទោះជាមានតម្រូវការដ៏ច្រើនលើសលុបយ៉ាងណា ក៏ពងមាន់ពុំខ្វះនោះដែរ ប៉ុន្តែ អ្វីដែលហួសចិត្តនោះ គឺថាអ្នកលក់ជាច្រើនបានឆ្លៀតយកឱកាសនេះ ដើម្បីកេងចំណេញច្រើនជាធម្មតា ។ បច្ចុប្បន្នប្រទេសថៃ មានសមត្ថភាពផលិតពងប្រហែល ៤០ លានគ្រាប់ ក្នុងមួយថ្ងៃ ចំណោមចំនួនប្រហែល២លានស៊ុត ដែលត្រូវបាននាំចេញ។
ក្រសួងពាណិជ្ជកម្ម Pathumthani (MOC) បានទទួលការជូនដំណឹងពីប្រជាពលរដ្ឋថា មានហាងមួយឈ្មោះ Jae Mai នៅក្រុងសំខាន់នៃខេត្ត Pathumthani បាននិងកំពុងលក់ពងនៅចំណុចតម្លៃខ្ពស់ជាងការចុះបញ្ជីតម្លៃរបស់ក្រសួងពាណិជ្ជកម្ម។ មន្ត្រីជំនាញបានចុះទៅត្រួតពិនិត្យហាងនោះ ដែលមានទីតាំងនៅផ្សារ Than Petch និងបានជួបម្ចាស់ហាង Suthep Yamthanom ។ ក្នុង១កញ្ច្រែង ៣០ ពង ត្រូវបានលក់ក្នុងតម្លៃ ១៧០ បាត ខណៈតម្លៃទីផ្សារ បើយោងតាមគេហទំព័រ MOC គឺ ៣,៥០ ទៅ ៣,៦០ បាត ក្នុងមួយពង ឬប្រហែល ១០៥-១០៨ ក្នុងមួយកញ្ច្រែង។ ហាងនេះមិនមានមូលហេតុច្បាស់លាស់ថា ហេតុអ្វីបានជាពួកគេលក់ក្នុងតម្លៃខ្ពស់បែបនេះទេ ព្រោះហាងនេះមានពងយ៉ាងហោចណាស់ ១០.០០០ ពង នៅកាលបរិច្ឆេទត្រួតពិនិត្យ។ ម្ចាស់ហាងត្រូវបានចាប់ខ្លួន។
មន្ត្រីពាណិជ្ជកម្មម្នាក់ បានបញ្ជាក់ឲ្យដឹងថា ប្រជាពលរដ្ឋជាច្រើនបានត្អូញត្អែរថា ស៊ុតមានតម្លៃថ្លៃណាស់។ អ្នកលក់កំពុងទាញយកអត្ថប្រយោជន៍ពីស្ថានភាព Covid-19 ព្រោះពួកគេដឹងច្បាស់ថា ស៊ុតមានតម្រូវការខ្ពស់។ អ្នកលក់ទាំងនេះបំពានច្បាប់ទំនិញ មាត្រា ២៨ , ២៩ , ៤០ និង ៤១ ។ ជាការដាក់ទណ្ឌកម្មត្រូវជាប់ពន្ធនាគារ មិនលើសពី ៧ ឆ្នាំ ឬពិន័យជាប្រាក់មិនលើសពី ១៤០.០០០ បាត ឬទាំងពីរតែម្តង៕
ប្រែសម្រួល៖ លឹម ហុង (ប្រភព៖ Khaosod, Nation Thailand)
