ឆ្នាំជូត
ដួងជតារាសី ៖ រាសីស្រុតចុះ។ សម្រាប់ថ្ងៃនេះដំណើរជីវិតរបស់លោកអ្នកមានឧបទ្រពយាយីបន្តិច ដូចនេះត្រូវខិតខំចាត់ចែងការងារចាស់ៗប្រសើរជាងព្រោះថាតែងហុចផលល្អៗត្រឡប់មកវិញផង។
ការងារ ៖ នាពេលនេះបើមានកិច្ចការងារអ្វីលោកអ្នកគប្បីប្រញាប់បញ្ចប់ពីព្រោះថាឆ្លងដល់ខែក្រោយនឹងជួបការលំបាកជាងនេះពុំខាន។
ជំនួញ ៖ អ្នកប្រកបរបររកស៊ីជួញដូរជួបរឿងប្រទាំងប្រទើសច្រើនបន្តិចតែយ៉ាងណាប្រាក់ចំណូលគ្រាន់នៅមួយទប់ទល់ផងដែរ។
ស្នេហា ៖ ស្នេហាប្រុសស្រីចូរប្រយ័ត្នការយល់ខុសក្នុងរឿងអ្វីមួយក្លាយជារឿងជម្លោះវិវាទ៕
ឆ្នាំឆ្លូវ
ដួងជតារាសី ៖ រាសីខ្ពស់ត្រដែត។ ការរស់នៅមានភាពសុខដុម និង មានជោគជ័យគួរសម។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តអ្វីមួយ ពីព្រោះថាផលតែងឆ្លើយតបមកវិញគ្រាន់ជាទីកក់ក្តៅផងដែរ។
ជំនួញ ៖ អ្នកប្រកបរបររកស៊ីជួញដូរក្នុងថ្ងៃនេះទោះជួញទីជិតឆ្ងាយតែងហុចផ្លែផ្កាមកវិញគួរសម ឯមុខរបរទៀតសោតក៏មានភាពសុខដុមល្អដូចសព្វមួយដង។
ស្នេហា ៖ ស្នេហាប្រុសស្រីមានដំណើរជឿនលឿនទៅមុខនិងកំពុងផ្អែមល្អែមប្រពៃណាស់៕
ឆ្នាំខាល
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារអ្វីមួយពីព្រោះថាផលឆ្លើយតបមកវិញឃើញថាគ្រាន់ជាទីកក់ក្តៅ។
ជំនួញ ៖ អ្នកប្រកបរបររកស៊ីជួញដូរក្នុងថ្ងៃនេះទោះលោកអ្នកជួញទីជិតឆ្ងាយការរកផលកម្រៃមានការហូរចូលបានគ្រាន់ចាយវាយ និង មានភាពសុខដុមគួរសមជានិច្ច។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ស្នេហាកំលោះក្រមុំទោះមានការស្មុគស្មាញក្តីបើលោកអ្នកធ្វើការដោះស្រាយតែងជួបផលសម្រេចជានិច្ច៕
ឆ្នាំថោះ
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកតែងកើតនូវអារម្មណ៍ផ្លាស់ប្តូរនិងកើតនូវរឿងរាវតប់ប្រម៉ល់ច្រើន។ដោយឡែកបញ្ហាការប្រកបការងារក៏តែងជួបរឿងរាវរាំងស្ទះ និង រឿងរាវមិនល្អយាយីផង។
ជំនួញ ៖ អ្នកប្រកបរបររកស៊ីជួញដូរថ្ងៃនេះដែរលោកអ្នកអាចជួបបញ្ហាចម្រូងចម្រាសច្រើនបន្តិច ម្ល៉ោះហើយទោះប្រកបកិច្ចការអ្វីទាល់តែមានការប្រុងប្រយ័ត្នទើបអាចឆ្លងផុតឧបសគ្គនានាទៅរួច។
ស្នេហា ៖ ស្នេហាប្រុសស្រីមានការប្រចែប្រច័ណ្ឌនិងចាប់កំហុសគ្នាច្រើន៕
ឆ្នាំរោង
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីតែងកើតនូវរឿងរាវកំប៉ិកកំប៉ុកកកូរផ្លូវចិត្តចំពោះមុខផង។
ជំនួញ ៖ អ្នកប្រកបរបររកស៊ីជួញដូរវិញមិនមានអ្វីលេចធ្លោគួរឱ្យកត់សម្គាល់ទេគឺប្រាក់ចំណូលអាចរកបានត្រឹមមួយទប់ទល់តែការជួញឆ្ងាយចូរប្រយ័ត្នការមានជម្លោះវិវាទណាមួយកើតឡើង។
ស្នេហា ៖ ស្នេហាកំលោះក្រមុំមានការប្រឆាំងនិងរកាំចិត្តគ្នាច្រើនដូចនេះបើមិនខិតខំកាត់បន្ថយជម្លោះវិវាទទេប្រយ័ត្នឆ្លងមិនដល់ខ្លោងទ្វារអាពាហ៍ពិពាហ៍៕
ឆ្នាំម្សាញ់
ដួងជតារាសី ៖ រាសីស្រុតចុះ។ ការរស់នៅលោកអ្នកអាចទទួលដំណឹងមិនល្អនាំឱ្យទុក្ខព្រួយផ្លូវចិត្តផង។
ការងារ ៖នៅថ្ងៃនេះបើទោះបីដួងរាសីស្រុតចុះពិតមែន ប៉ុន្តែបើលោកអ្នកខិតខំធ្វើដោយចិត្តត្រជាក់តែងសម្រេចជោគជ័យដូចគ្នា។
ជំនួញ ៖ សម្រាប់ថ្ងៃនេះដែរដោយសារដួងរាសីស្រុតចុះ ដូចនេះបើចង់ប្រកបការងារតូចធំត្រូវមើលចៅហ្វាយនាយខ្លះៗផងដែរពីព្រោះថាងាយចាប់កំហុសនិងថាស្តីបន្ទោសឱ្យណាស់។
ស្នេហា ៖ ស្នេហាកំលោះក្រមុំមានការថ្នាំងថ្នាក់ហើយការចាប់កំហុសគ្នានោះក៏មានច្រើន៕
ឆ្នាំមមី
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើមានកិច្ចការងារអ្វីលោកអ្នកអាចសម្រុកពេញទីបានហើយ ពីព្រោះថាផលដែលឆ្លើយតបឃើញគ្រាន់ជាទីពេញចិត្តផងដែរ។
ជំនួញ ៖ អ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំឃើញថា មិនមានទាស់ខុសអ្វីដែរព្រោះផ្លែផ្កាទទួលបានក៏ឆ្លើយតបគ្រាន់កក់ក្តៅ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ សម្រាប់គូស្នេហ៍ប្រុសស្រីបើមានផែនការអ្វីសម្រាប់រៀបចំជាគ្រួសារ ហើយខ្នះខ្នែងធ្វើតែងជោគជ័យដូចគាប់បំណង៕
ឆ្នាំមមែ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើមានការចរចា ឬ ចាប់ផ្តើមប្រកបកិច្ចការងារអ្វីមួយឃើញថាតែមានផលឆ្លើយតបគ្រាន់កក់ក្តៅ។
ជំនួញ ៖ អ្នកប្រកបរបររកស៊ីជួញដូរនៅក្នុងថ្ងៃនេះដែរឃើញថាមានការហូរចូលគ្រាន់គាប់ប្រសើរពិសេសធ្វើច្រើនទទួលផលកម្រៃច្រើនផង។ការធ្វើដំណើរឆ្ងាយជិតជួបភាពសុខដុមគួរសម។
ស្នេហា ៖ ស្នេហាកំលោះក្រមុំនៅពេលនេះត្រូវចេះរក្សាភាពស្ងប់ស្ងាត់ពិសេសងាយកើតជារឿងជម្លោះវិវាទណាស់៕
ឆ្នាំវក
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកប្រកបកិច្ចការអ្វីអាចសម្រុកពេញទីបាន ហើយពីព្រោះថាផលល្អៗនោះក៏ងាយផ្តល់ផលមកវិញផង។
ជំនួញ ៖ អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់រស់រវើក ហើយបើលោកអ្នកចង់បើករបរអ្វីមួយតែងសមដូចប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ គូស្នេហ៍ប្រុសស្រីមិនថាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមនិងស្រស់ស្រាយប្រពៃ៕
ឆ្នាំរកា
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះឱ្យលោកអ្នកប្រយ័ត្នប្រយែងបញ្ហាចរាចរ ឬ បញ្ហាកើតចេញពីរោគជំងឺយាយីដោយប្រការណាមួយ។ការរស់នៅក្នុងផ្ទះសម្បែងស្ត្រីមេផ្ទះមិនត្រូវមាត់រអ៊ូរទាំច្រើនឡើយព្រោះងាយកើតបញ្ហាចម្រូងចម្រាសជាមួយស្វាមីណាស់ផង។
ជំនួញ ៖ អ្នកប្រកបរបររកស៊ីជួញដូរវិញមានការទិញចូលលក់ចេញរស់រវើកគ្រាន់បើហើយផលកម្រៃមានចូលគ្រាន់កក់ក្តៅផ្លូវចិត្ត។
ស្នេហា ៖ ស្នេហាកំលោះក្រមុំមានដំណើរថយក្រោយហើយប្រឆាំងគ្នាច្រើនចូរប្រយ័ត្នកើតជម្លោះវិវាទណាមួយនាំត្រូវឈឺផ្សាផ្លូវចិត្ត៕
ឆ្នាំច
ដួងជតារាសី ៖ រាសីខ្ពស់ត្រដែត។ ថ្ងៃនេះលោកអ្នកអាចទទួលដំណឹងល្អអ្វីមួយឲ្យសប្បាយចិត្ត ។
ការងារ ៖ ដោយសារដួងរាសីរបស់លោកអ្នកល្អប្រសើរ ម្ល៉ោះហើយអាចប្រកបការងារតូចធំ ឬ សម្រេចចិត្តអ្វីមួយតែងហុចផលល្អៗមកវិញ។
ជំនួញ ៖ អ្នកប្រកបរបររកស៊ីជួញដូរបើមានញាតិមិត្តបបួលធ្វើអ្វីមួយឬត្រួសត្រាយឱ្យប្រកបរបររកស៊ីជួញដូរតែងហុចផ្លែផ្កាគួរជាទីពេញចិត្តតែយ៉ាងណាក៏ត្រូវប្រុងប្រយ័ត្នព្រោះក្រុមមនុស្សចាំតែកេងប្រវ័ញ្ចដើម្បីដណ្តើមផលប្រយោជន៍នោះក៏មានច្រើនដែរ។
ស្នេហា ៖ ស្នេហាប្រុសស្រីមានការចេះអត់ឱនឱ្យគ្នានិងផ្អែមល្ហែមល្អ៕
ឆ្នាំកុរ
ដួងជតារាសី ៖ រាសីល្អជាមធ្យម។ នៅក្នុងអំឡុងពេលនេះលោកអ្នកអាចមានក្រុមមនុស្សទាំងនៅក្បែរខ្លួន ឬ ពីចម្ងាយក្តីបង្កបញ្ហាឱ្យឈឺចិត្តផងគប្បីមានការអត់ធ្មត់បន្តិចទើបប្រសើរ។
ការងារ ៖ សម្រាប់ថ្ងៃនេះដែរលោកអ្នកអាចប្រកបកិច្ចការងារអ្វីដោយមានចៅហ្វាយនាយ ឬ កូនចៅជួយចូកជួយចែវ ហើយមិនសូវមានក្រុមមនុស្សចាំតែរាទឹកដូចកាលពីមុនទៀតឡើយ។
ជំនួញ ៖ អ្នកប្រកបរបររកស៊ីជួញដូរវិញលោកអ្នកគប្បីរក្សាភាពនឹងធឹងកុំយកសេចក្តីឈ្នានីសឬការគុំគួនដាក់ខ្លួននាំកើតឧបទ្រពចង្រៃការលក់ដូរកាន់តែមិនដាច់។
ស្នេហា ៖ គូគ្រងប្តីប្រពន្ធឬគូស្នេហ៍កំលោះក្រមុំមានការប្រែប្រួលច្រើនព្រោះជួនផ្អែមល្ហែមជួនពាក់មុខយក្សដាក់គ្នា៕