ប្រទេសអ៊ីតាលីបានឲ្យដឹងថា មានអ្នកស្លាប់បន្ថែមដោយសារវីរុសកូរ៉ូណា ចំនួន ៩១៩នាក់នៅថ្ងៃសុក្រ ដែលវាគឺជាតួលេខស្លាប់ខ្ពស់បំផុតក្នុងរយៈពេល ២៤ម៉ោងចុងក្រោយ បណ្តាលឲ្យតួលេខនៃអ្នកស្លាប់សរុបកើនដល់ជាង ៩.០០០នាក់។
បើតាមតួលេខ មានអ្នកស្លាប់សរុបចំនួន ៩.១៣២នាក់ ដែលចំនួននេះ ច្រើនជាងតួលេខនៃអ្នកឆ្លងវីរុសសរុបនៅចិនទៅទៀត។
ចំណែកចំនួនអ្នកឆ្លងវីរុសនៅអ៊ីតាលីឈរនៅតំណែងលេខ ២ដែលមាន ៨៦.៤៩៨ នាក់ តាមពីក្រោយសហរដ្ឋអាមេរិច (១០៤.០០៧នាក់)។
រីឯអ្នកជាសះស្បើយពីវីរុសនៅអ៊ីតាលីមានចំនួន ១០.៩៥០នាក់។
សូមបញ្ជាក់ថា ការរាតត្បាតនៃវីរុស និងការស្លាប់នៅអ៊ីតាលីហាក់គ្មានភាពស្រាកស្រាន្តសោះ ទោះបីរដ្ឋាភិបាលប្រកាសបិទអ្វីៗស្ទើរគ្រប់យ៉ាងក្នុងប្រទេសអស់រយៈពេលជាង ២សប្តាហ៍ទៅហើយក្តី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia/CSSE
