ប្រទេសប្រ៊ុយណេ បានប្រកាសពីអ្នកស្លាប់ដំបូងដោយសារវីរុសកូរ៉ូណា នៅថ្ងៃសៅរ៍នេះ ដែលអ្នកស្លាប់នោះជាបុរសវ័យ ៦៤ឆ្នាំ។
រហូតមកដល់ពេលនេះ ប្រទេសសមាជិកអាស៊ាននេះ មានអ្នកឆ្លងវីរុសសរុបទាំងអស់ចំនួន ១១៥នាក់ ដែលការឆ្លងមួយចំនួនជាប់ទាក់ទង ទៅនឹងការប្រមូលផ្តុំសាសនា នៅក្នុងប្រទេសម៉ាឡេស៊ី ដែលអាជ្ញាធរបាននិយាយថា មានអ្នកចូលរួមរហូតដល់ ១៦.០០០នាក់។
បុរសដែលស្លាប់នោះ មិនដែលបានចូលរួមក្នុងពិធីសាសនាឡើយ ប៉ុន្តែធ្លាប់មានប្រវត្តិធ្វើដំណើរទៅកាន់ប្រទេសកម្ពុជា និងម៉ាឡេស៊ី។
កាលពីថ្ងៃទី ១៥ ខែមីនា ប្រ៊ុយណេបានប្រកាសថា ពលរដ្ឋខ្លួន និងជនបរទេសទាំងអស់ក្នុងប្រទេស មិនបានហាមប្រាម មិនឲ្យចាកចេញពីប្រទេសឡើយ ដោយសារវីរុសកូរ៉ូណា៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
