ភ្នំពេញ៖ ខណៈដែលជំងឺក៏កាចសាហាវថ្មីនេះ កំពុងរីករាលដាលយ៉ាងខ្លាំងក្លា និងមានរូបភាពសាហាវ នៅលើពិភពលោក ក្នុងនោះប្រទេសកម្ពុជាផងដែរ ម្ចាសសណ្ឋាគារសែន ហាន មានទីតាំងស្ថិតនៅតាមបណ្តោយផ្លូវ៣១៣ កែងផ្លូវ៦០០ ក្នុងសង្កាត់បឹងកក់ ២ ខណ្ឌទួលគោក បានប្រគល់សណ្ឋាគាររបស់ខ្លួន ជូនរដ្ឋបាលរាជធានីភ្នំពេញ ធ្វើជាទីតាំងពិនិត្យ ព្យាបាល ជំងឺកូរ៉ូណា១៩ ស្របពេលដែល នៅកម្ពុជា មានអ្នកផ្ទុកជំងឺកំណាចនេះ មានចំនួន១០៣នាក់ហើយ។
គួរបញ្ជាក់ផងដែរថា សណ្ឋាគារសែន ហាន គឺជាសណ្ឋាគារទី២ហើយ បន្ទាប់ពីអតីតសណ្ឋាគារអាំងទែកុងទីណង់តាល់ ដែលត្រូវបានម្ចាស់សណ្ឋាគារ ចូលរួមសហការ ជាមួយរាជធានីភ្នំពេញ ដោយបានប្រគល់មកឲ្យរដ្ឋបាលរាជធានីភ្នំពេញ ដើម្បីធ្វើជាទីតាំងសម្រាប់ពិនិត្យ និងព្យាបាលជំងឺកូរ៉ូណា។
ជុំវិញការផ្តល់ទីតាំងនេះ រដ្ឋបាលរាជធានីភ្នំពេញ ក៏បានធ្វើលិខិតថ្លែងអំណរអរគុណលោកជំទាវឧកញ៉ាអ៊ាន អេឡែន និងឯកឧត្តមយិន សារ៉ាន់ ព្រមទាំងក្រុមគ្រួសារផងដែរ ៕ដោយ៖បញ្ញាស័ក្តិ