ភ្នំពេញ៖ ស្ត្រីអង់គ្លេសតែបានជាសះស្បើយពីជំងឺដ៏កំណាចមួយនេះកាលពីរសៀលថ្ងៃទី 29 ខែមីនាឆ្នាំ 2020 បានថ្លែងប្រាប់អ្នកសារព័ត៌មានពេលពួកគាត់ចាកចេញពីមន្ទីរពេទ្យថា «ពួកយើងមានបំណងមកទស្សនាប្រទេសរបស់អ្នក គឺយើងចង់មកយូរហើយ យើងចង់ទៅកម្សាន្តនៅអង្គរវត្ត តែយើងពុំបានទៅទេ។ លើកក្រោយយើងមកទៀត។
អ្នកជំងឺកូវីដ១៩ បានរៀបរាប់ទៀតថា ក្រុមគ្រូពេទ្យហាមឃាត់ពួកយើង អ្នកជាមនុស្សដ៏ល្អ អ្នកសុទ្ធតែជាមនុស្សល្អ។ ពីដំបូងឡើយខ្ញុំគិតថា ខ្ញុំនិយាយមិនល្អអំពីអ្នក។ ខ្ញុំឆ្លងជំងឺ ពុំមែនជាកំហុសរបស់អ្នកទេ »។
ស្ត្រីអង់គ្លេសនិយាយទាំងអួលដើមកថាឆ «ខ្ញុំយល់ហើយថា អ្នកចង់ការពារប្រជាពលរដ្ឋរបស់អ្នក គឺប្រៀបដូចជាម្តាយចង់ការពារកូនរបស់ខ្លួន អ្នកចង់ការពារអ្នកជំងឺ។ ជាថ្មីម្តងទៀត ខ្ញុំសូមអរគុណចំពោះអ្វីគ្រប់យ៉ាងដែលអ្នកបានធ្វើចំពោះពួកយើង។ យើងពុំអាចរកពាក្យមករៀបរាប់ឱ្យស្មើទង្វើដ៏ល្អរបស់អ្នកបានទេ អ្នកជាមនុស្សមានសន្តានចិត្តល្អណាស់។ យើងសូមអោយអ្នកមានសុខភាពល្អ និងឆាប់កម្ចាត់ជំងឺដ៏កាចសាហាវនេះចេញពីប្រទេសរបស់អ្នក។ សូមអរគុណអ្នកទាំងអស់គ្នា » ៕ ដោយ៖កូឡាប
