ស្ទឹងត្រែង៖ បើទោះបីជាតំណាងរាស្ត្រ និងរាស្ត្រក៏ ត្រូវតែគោរពច្បាប់ដោយស្មើភាព តម្លាភាព គ្មានការលម្អៀងថាអ្នកធំ អ្នកមានអំណាច អ្នកតូច ឬក៏ជនសាមញ្ញនោះឡើយ។
ជាក់ស្តែងឯកឧត្តម ហ៊ុន ម៉ានី តំណាងរាស្ត្រមណ្ឌលកំពង់ស្ពឺ និងជាកូនសម្តេចនាយករដ្ឋមន្ត្រី ក៏ទទួលរងការពិន័យទៀត ហើយជាលើកទី២ នៅព្រឹកថ្ងៃទី ២៩ ខែមីនា នៅឯស្រុកពញាក្រែក ។
ឯកឧត្តម ហ៊ុន ម៉ានី តែងតែលើកទឹកចិត្តឱ្យសមត្ថកិច្ចពិន័យគាត់តាមច្បាប់ នៅពេលឃើញគាត់ធ្វើខុសលើដងវិថី។
តាមប្រភពព័ត៌មានការពិន័យព្រឹកនេះ ព្រោះតែការបើកលើសល្បឿនកំណត់។
ស្នងការដ្ឋាននគរបាលខេត្តស្ទឹងត្រែង បានឲ្យដឹងថា “សូមអរគុណចំពោះការគោរពច្បាប់ចរាចរណ៍ ដោយផ្តើមចេញពីយើងទាំងអស់គ្នា។ ដោយមិនគិតពីតួនាទីភារកិច្ច ឬ ឋានៈ ណាក៏ដោយ។ ដើម្បីតែសុវត្ថិភាពរបស់យើងទាំងអស់គ្នា”។
ឯកឧត្តម ហ៊ុន ម៉ានី បានសរសេរសារលើហ្វេសប៊ុកថា “ថ្ងៃមុនភ្នំពេញថ្ងៃនេះខេត្តអរគុណពូៗប៉ូលីសដែលបានណែនាំនិងអនុវត្តច្បាប់សម្រាប់សុវត្ថិភាពប្រជាពលរដ្ធគ្រប់ៗរូប”៕ ដោយ៖កូឡាប