ស្ថានភាពនៅអាមេរិចកាន់តែធ្ងន់ធ្ងរឡើង ដោយមានអ្នកស្លាប់ដោយសារវីរុសកូរ៉ូណាចំនួន ៥៨១នាក់ត្រឹមរយៈពេល ២៤ម៉ោងចុងក្រោយ។ នេះបើតាមទិន្នន័យដែលចេញផ្សាយនៅថ្ងៃអាទិត្យដោយ សកលវិទ្យាល័យ Johns Hopkins។
តួលេខអ្នកស្លាប់នេះ កើនឡើងច្រើនជាងថ្ងៃសោរ៍ ដែលមានត្រឹមតែ ៤៥៣នាក់ប៉ុណ្ណោះ ហើយរហូតមកដល់ពេលនេះ អាមេរិចមានអ្នកស្លាប់សរុបចំនួន ២.៤០៩នាក់។
ក្រៅពីអ្នកស្លាប់ ក៏មានអ្នកឆ្លងថ្មីចំនួន ២១.៣៣៣នាក់ផងដែរ ក្នុងរយៈពេល ១ថ្ងៃ បណ្តាលឲ្យតួលេខនៃអ្នកឆ្លងសរុបទូទាំងប្រទេសកើនដល់ចំនួន ១៣៦.៨៨០នាក់។
សូមបញ្ជាក់ថា ការផ្ទុះរាតត្បាតវីរុសមរណៈនេះនៅអាមេរិច កាន់តែធ្ងន់ធ្ងរឡើងៗក្នុងរយៈពេល ប៉ុន្មានសប្តាហ៍ចុងក្រោយនេះ ហើយបច្ចុប្បន្ន អាមេរិចនៅឈរតំណែងលេខ ១ជាប្រទេសដែលមានឆ្លងវីរុសច្រើនបំផុតលើលោក តាមពីក្រោយដោយអ៊ីតាលី (៩៧.៦៨៩ករណី) និងចិន (៨២.១៣៣ករណី)៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia/CSSE