អាជ្ញាធរអ៊ីតាលី បាននិយាយថ្ងៃអាទិត្យថា ពួកគេនឹងបន្ថែមពេលវេលាបិទប្រទេសរយៈពេល ១ខែទៀត ដើម្បីទប់ស្កាត់ការរីករាលដាលនៃវីរុស ខណៈដែលចំនួនអ្នកស្លាប់បានកើនដល់ ១០.៧៧៩នាក់ និងអ្នកឆ្លងកើនដល់ជិត ១០០.០០០នាក់។
ស្ថាប័នការពារជនស៊ីវិលបានឲ្យដឹងថា មានអ្នកស្លាប់បន្ថែមចំនួន ៧៥៦នាក់ នៅថ្ងៃអាទិត្យ ខណៈដែលមានអ្នកឆ្លងថ្មីចំនួន ៥.២១៧នាក់ បណ្តាលឲ្យតួលេខនៃអ្នកឆ្លងសរុបកើនដល់ ៩៧.៦៨៩នាក់។
សូមបញ្ជាក់ថា ប្រទេសអ៊ីតាលីបានប្រកាសបិទទីកន្លែងទាំងអស់ក្នុងប្រទេស លើកលែងតែកន្លែងលក់ថ្នាំ កន្លែងលក់គ្រឿងម្ហូប និងកន្លែងចាំបាច់មួយចំនួនទៀត អស់រយៈពេលជាង ៣សប្តាហ៍មកហើយ ប៉ុន្តែស្ថានភាពហាក់មិនមានភាពធូរស្រាលសោះ ទើបអាជ្ញាធរប្រកាសពន្យារពេលបិទប្រទេសមួយខែទៀត។
បច្ចុប្បន្ន អ៊ីតាលី ជាប្រទេសដែលមានអ្នកស្លាប់ដោយសារវីរុសកូរ៉ូណាច្រើនបំផុត និងឈរនៅតំណែងលេខ ២ ជាប្រទេសមានអ្នកឆ្លងច្រើន៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
