ភ្នំពេញ៖ យោងតាមក្រសួងសុខាភិបាល នៅថ្ងៃទី៣០ ខែមីនា ឆ្នាំ២០២០ នេះ ឃើញថាស្ថានភាពអ្នកជាសះស្បើយពីជំងឺកូវីដ-១៩ បានប្រសើរច្រើនហើយ ដោយក្នុងនោះ ក្រសួងបានបានបញ្ជាក់ថា បុរសជនជាតិខ្មែរអាយុ៣៨ ឆ្នាំដែលបានឆ្លងជំងឺកូវីដ ពីជនជាតិជប៉ុន បានជាសះស្បើយ និងត្រូវបានអនុញ្ញាតឲ្យចេញពីមន្ទីរពេទ្យបង្អែកខេត្តសៀមរាបនៅថ្ងៃនេះផងដែរ។
ទោះជាយ៉ាងណា ប្រតិបត្តិការជួយសង្គ្រោះរបស់ក្រុមគ្រួពេទ្យ ដើម្បីបន្តប្រយុទ្ធប្រឆាំងនឹងវីរុសដ៏កាចសាហាវនេះ គឺនៅតែបន្តយ៉ាងសស្រោកសស្រាំ ដើម្បីជួយដល់បងប្អូនប្រជាពលរដ្ឋដែលបាននិងកំពុងទទួលរងឲ្យជាសះស្បើយពីជំងឺទាំងស្រុង ដោយបានលះបង់ទាំងកម្លាំងកម្លាំងចិត្ត បើទោះជានឿយហត់លំបាកយ៉ាងណា ។
ជាមួយនឹងការយកចិត្តទុកសង្គ្រោះដ៏លំបាកមួយនេះ អ្នកគ្រូពេទ្យម្នាក់បានបង្ហាញបទពិសោធន៍ទើបជួបផ្ទាល់ក្នុងជីវិតនាពេលនេះ ជាមួយការស្លៀកឈុតការពារ និងអារម្មណ៍នឹកដល់ក្រុមគ្រួសារ និងកូនជាទីស្រឡាញ់ពីចម្ងាយគួរឲ្យស្រណោះយ៉ាងខ្លាំង ។
នេះបើយោងតាមគណនីហ្វេសប៊ុកឈ្មោះ Myheng Kps បានចែករំលែកពីអារម្មណ៍ពិតរបស់ខ្លួនយ៉ាងដូច្នេះថា៖ “ចង់ប្រាប់ថាក្តៅក៏ក្តៅ ហើយថប់ស្ទើដាច់ខ្យល់ តែនៅតែស្ម័គចិត្តដើម្បីអ្នកទាំងអស់គ្នា” ។ គណនីខាងលើក៏បានបង្ហាញអារម្មណ៍នឹកដល់កូនស្រីជាទីស្រឡាញ់យ៉ាងដូច្នេះទៀតដែរថា៖ “នឹកណាស់ចង់ឱប ចង់ក្តិច”៕ ដោយ៖ លឹម ហុង
