ជូត
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះទោះជាថ្ងៃមិនល្អក្តី ប៉ុន្តែបើលោកអ្នកតាំងចិត្តប្រកបការងារនោះផលដែលជាផ្លែផ្កាតែងឆ្លើយតបមកវិញដូចជាទីពេញចិត្តផង។អ្នកប្រកបការងាររាជការ ឬ ក្រុមហ៊ុនឯកជនលោកអ្នកមិនគប្បីចាប់កំហុសឬរិះគន់អ្នកដទៃច្រើនឡើយប្រយ័ត្នឥតការអ្វីសោះនាំគេគុំគួន ហើយជួបផលលំបាកដល់អាត្មាខ្លួននៅពេលក្រោយ។
ជំនួញ ៖ អ្នកប្រកបរបររកស៊ីជួញដូរមានការខ្សត់ខ្សោយចំណូលបន្តិចប៉ុន្តែការចំណាយមានខ្ពស់និងធូរណាស់។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីត្រូវចេះយកចិត្តទុកដាក់ថែទាំចំណងស្នេហ៍ទើបមិនកើតរឿងបែកបាក់នៅគ្រាខាងមុខ៕
ឆ្នាំឆ្លូវ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះមានជោគសិរី ហើយទោះធ្វើអ្វីក៏តែងផ្តល់ផលល្អ និង ទទួលផ្លែផ្កាមកវិញគ្រាន់ជាទីកក់ក្តៅជានិច្ច។
ជំនួញ ៖ ការប្រកបរបររកស៊ីជួញដូរលោកអ្នកអាចបោះទុនរកស៊ីចូលហ៊ុនជាមួយអ្នកដទៃដោយអាចទទួលផ្លែផ្កាមកវិញគួរជាទីពេញចិត្ត ហើយបើលោកអ្នកចង់ជួញដូរផ្លូវឆ្ងាយក៏តែងហុចផ្លែផ្កាដូចការគ្រោងទុកផង។ការធ្វើដំណើរឆ្ងាយជិតជួបភាពសុខដុមទាំងពេលទៅ និង ត្រឡប់មកវិញ។
ស្នេហា ៖ ស្នេហាកំលោះក្រមុំមានភាពផ្អែមល្ហែមនិងស្រុះស្រួលគ្នាល្អប្រពៃណាស់៕
ឆ្នាំខាល
ដួងជតារាសី ៖ រាសីល្អជាមធ្យម។ក្នុងថ្ងៃនេះដែរលោកអ្នកត្រូវមានចិត្តអំណត់តស៊ូពីព្រោះថាផលជាផ្លែផ្កាតែងចាំហុចនៅពេលក្រោយជានិច្ច។ចំណែកការរស់នៅស្ត្រីបើលោកអ្នកឧស្សាហ៍ឈ្លោះប្រកែកជាមួយអ្នកដទៃ ឬសូម្បីតែស្វាមីក្តីគប្បីចេះធ្វើគធ្វើថ្លង់មិនដឹងមិនឮរឿងរាវខ្លះព្រោះអាចប្រែក្លាយកើតជារឿងធំណាមួយរកនឹកស្មានមិនដល់។
ការងារ ៖ នៅថ្ងៃនេះបើទោះបីលោកអ្នកប្រកបការងារអ្វីឃើញថាមានការចម្រើនលូតលាស់សន្សឹមៗទៅមុខឥតមានបញ្ហាអ្វីយាយីច្រើននាំពិបាកឆ្លងកាត់នោះឡើយ។
ជំនួញ ៖ ចំពោះអ្នកប្រកបរបររកស៊ីជួញដូរនៅថ្ងៃនេះដែរលោកអ្នកត្រូវលៃលកគិតគូរបញ្ជីប្រាក់កាសឱ្យបានច្បាស់លាស់ ហើយត្រូវទូរទាត់ឱ្យរួចរាល់ប្រយ័ត្នកើតជម្លោះវិវាទដោយប្រការណាមួយ។ ការធ្វើដំណើរទីជិតឆ្ងាយមិនសូវមានសុវត្តិភាពប៉ុន្មានទេពិសេសការធ្វើដំណើរផ្លូវឆ្ងាយតែម្តង។
ស្នេហា ៖ សម្ព័ន្ធស្នេហាកំលោះក្រមុំចូរប្រយ័ត្នក្រុមមនុស្សទីបីចាក់ដោតនាំកើតជម្លោះវិវាទ៕
ឆ្នាំថោះ
ដួងជតារាសី ៖ រាសីស្រុតចុះ។
ការងារ ៖នៅថ្ងៃនេះលោកអ្នកតែងមានបញ្ហាកកូរផ្លូវចិត្តធ្វើឱ្យមិនសូវសុខស្រួលខ្លួនប៉ុន្មាននោះឡើយ។
ជំនួញ ៖ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកគួរសម ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ការធ្វើដំណើរឆ្ងាយជិតមិនសូវគាប់ប្រសើរទេពិសេសឱ្យប្រយ័ត្នរោគជំងឺយាយីបន្តិច។
ស្នេហា ៖ ស្នេហាកំលោះក្រមុំមានការប្រឆាំងនិងចង់ចាញ់ឈ្នះគ្នាច្រើននាំឱ្យកើតការរកាំចិត្តមិនតិចឡើយ៕
ឆ្នាំរោង
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតល្អប្រសើរ ម្ល៉ោះហើយផ្តល់ផលល្អក្នុងការទំនាក់ទំនងការងារ ការបណ្តាក់ទុន ចរចា ឬធ្វើកិច្ចសន្យាអ្វីមួយសំខាន់។
ជំនួញ ៖ អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ក្នុងរង្វង់គ្រួសារបើលោកអ្នកមានជម្លោះវិវាទជាឱកាសល្អក្នុងការផ្សះផ្សាផងដែរ។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានការយកចិត្តទុកដាក់និងផ្អែមល្ហែមល្អចំពោះគ្នាគ្រាន់បើ៕
ឆ្នាំម្សាញ់
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកប្រកបកិច្ចការងារអ្វីមួយពីព្រោះថាផលតែងឆ្លើយតបគ្រាន់ជាទីកក់ក្តៅផងដែរ។
ជំនួញ ៖ អ្នកប្រកបរបររកស៊ីជួញដូរមុនធ្វើអ្វីមួយត្រូវចេះត្រិះរិះពិចារណាឱ្យបានគ្រប់ជ្រុងជ្រោយ ហើយពុំត្រូវមានគំនិតវៀចវេឡើយបើពុំនោះទេនាំជួបផលលំបាកដល់អាត្មាខ្លួនឯងដោយសារអតិថិជនលែងហ៊ានមកក្បែរ។
ស្នេហា ៖ សេចក្តីស្នេហាកំលោះក្រមុំកុំគប្បីជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ៕
ឆ្នាំមមី
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះបញ្ហាឯកសារនានាគប្បីមានការប្រយ័ត្នប្រយែងបន្តិចពីព្រោះថា ងាយជួបនូវបញ្ហាចំពោះមុខណាស់ដែរ។ក្នុងថ្ងៃនេះដែរដោយសារដួងរាសីធ្លាក់ស្រុតចុះដូចនេះលោកអ្នកឱ្យប្រយ័ត្នការមានជម្លោះពាក្យសម្តីណាមួយជាមួយមនុស្សនៅក្បែរខ្លួន។
ជំនួញ ៖ អ្នកប្រកបរបររកស៊ីជួញដូរត្រូវចងចាំថាមិនត្រូវម៉ាក់ងាយមនុស្សឡើយពិសេសអ្នកមានមុខរបរដូចគ្នាបើពុំនោះទេនឹងជះឥទ្ធិពលអាក្រក់នៅពេលក្រោយជាក់ជាពុំខាន។
ស្នេហា ៖ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីត្រូវឃ្លាតពីគ្នាខ្លះហើយរកពេលវេលាបំពេញការងារទើបជាការប្រពៃបំផុត៕
ឆ្នាំមមែ
ដួងជតារាសី ៖ រាសីល្អជាមធ្យម។
ការងារ ៖ នៅក្នុងថ្ងៃនេះលោកអ្នកតែងមានរាវប៉ះទង្គិចបន្តិចបន្តួចកើតឡើងដែលនាំឱ្យសៅហ្មងផ្លូវចិត្តនោះក៏មានច្រើនគប្បីអត់ធ្មត់ធ្វើមិនដឹងមិនឮខ្លះទើបប្រសើរ។ក្រៅពីនេះការធ្វើអ្វីមួយចូរប្រយ័ត្នធ្លាក់ចូលក្នុងឧបាយកលរបស់គេ ហើយដាច់ខាតមិនត្រូវខឹងច្រឡោតឡើយត្រូវដោះស្រាយតាមសន្តិវិធីទើបប្រសើរ។
ជំនួញ ៖ អ្នកប្រកបរបររកស៊ីជួញដូរវិញជួបផលលំបាកក្នុងការរកផលចំណូលបន្តិចហើយបើមានការជួញឆ្ងាយទៀតសោតចូរប្រយ័ត្នជួបគ្រោះចាញ់បោកគេ ។
ស្នេហា ៖ បញ្ហាគូគ្រងប្តីប្រពន្ធឬគូស្នេហ៍កំលោះក្រមុំងាយទាំងប្រេះស្រាំនិងងាយទាំងបែកបាក់ផង៕
ឆ្នាំវក
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ដូចនេះត្រូវមានចិត្តអត់ធ្មត់តស៊ូបន្តិចទើបប្រសើរ។
ជំនួញ ៖ អ្នកប្រកបរបររកស៊ីជួញដូរការជួញទីជិតឆ្ងាយមានភាពប្រទាំងប្រទើសច្រើននិងពិសេសឱ្យប្រយ័ត្នជម្លោះវិវាទកើតឡើងជាមួយក្រុមមនុស្សក្បែរខ្លួន។ការធ្វើដំណើរទីជិតឆ្ងាយមិនសូវសុខដុមប៉ុន្មានទេចូរប្រយ័ត្នឧប្បត្តិហេតុយាយីបន្តិច។
ស្នេហា ៖ សេចក្តីស្នេហាកំលោះក្រមុំមិនមានការជឿនលឿនទេពិសេសឱ្យប្រយ័ត្នជម្លោះវិវាទឈានដល់ការបែកបាក់៕
ឆ្នាំរកា
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកប្រកបកិច្ចការងារដែលសំខាន់ ឬកិច្ចការធំដុំណាមួយពីព្រោះថាផលតែងហុចមកវិញជានិច្ច។
ជំនួញ ៖ អ្នកប្រកបរបររកស៊ីជួញដូរវិញមានការរីកលូតលាស់ទៅមុខគួរសម ហើយបើលោកអ្នកចង់បើករបរថ្មីឬចេញធ្វើជំនួញទីជិតឆ្ងាយតែងហុចផ្លែផ្កាគួរជាទីពេញចិត្ត។ការធ្វើដំណើរមិនថាពេលថ្ងៃឬយប់ព្រលប់ទេលោកអ្នកមិនត្រូវមានការផឹកគ្រឿងស្រវឹងឡើយប្រយ័ត្នជួបឧប្បត្តិហេតុណាមួយរកនឹកស្មានមិនដល់។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីបើលោកអ្នកចង់ផ្សំផ្គុំគ្រួសារពេលនេះជាឱកាសល្អសម្រាប់ចូលនិយាយដល់ចាស់ទុំហើយ៕
ឆ្នាំច
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកប្រកបកិច្ចការងារអ្វីងាយជួបនូវឧបសគ្គចំពោះមុខច្រើន ហេតុនេះទោះប្រកបកិច្ចការងារតូចធំតោងតែប្រយ័ត្នប្រយែងបន្តិចទើបគ្មានបញ្ហាចោទឡើង។សម្រាប់ពេលវេលាមិនល្អរបស់លោកអ្នកក្នុងថ្ងៃនេះគឺម៉ោង ៧,០០-៨,៥៩នាទីព្រឹក។ទោះបីប្រកបការងារអ្វីលោកអ្នកតោងតែមានចិត្តត្រជាក់និងគិតឱ្យបានគ្រប់ជ្រុងជ្រោយទើបមិនមានបញ្ហាចោទឡើងនៅពេលក្រោយវិញ។
ជំនួញ ៖ អ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។
ស្នេហា ៖ សេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕
ឆ្នាំកុរ
ដួងជតារាសី ៖ រាសីល្អជាមធ្យម។
ការងារ ៖ ក្នុងពេលនេះមានសម្ពាធច្រើនបន្តិច ហើយកិច្ចការងារមួយចំនួនស្រាយមិនចេញទៀតផង។លោកអ្នកទាល់តែខិតខំខ្លាំងទើបសម្រចជោគជ័យការងារមួយចំនួនទៅរួច។
ជំនួញ ៖ អ្នកអាជីវករថ្ងៃនេះទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីបើចង់ជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង៕