ភ្នំពេញ៖ ឥស្សរជនជាន់ខ្ពស់រាជរដ្ឋាភិបាលកម្ពុជាដែលទើបបានបោះឆ្នោតផ្តល់សេចក្តីទុកចិត្តពីរដ្ឋសភាតែងតាំងជាទេសរដ្ឋមន្ត្រី រដ្ឋមន្ត្រី បានអញ្ជើញមកធ្វើសច្ចាប្រណិធានក្នុងព្រះបរមរាជវាំង ក្រោមព្រះវត្តមានសម្តេចព្រះអគ្គមហាសង្ឃរាជាធិបតីទេព វង្ស និង សម្តេចព្រះសុគន្ធាមហាសង្ឃរាជាធិបតី បួរ គ្រី និង វត្តមានសម្តេចចៅហ្វាវាំង គង់ សំអុល ព្រះរាជតំណាងដ៍ខ្ពស់ខ្ពស់ព្រះករុណាព្រះបាទសម្តេចព្រះបរមនាថព្រះមហាក្សត្រនៃព្រះរាជាណាចក្រកម្ពុជា នេះបើតាមការផ្សាយរបស់ផេកព្រះបរមរាជវាំង។
នាវេលាថ្ងៃទី៣០ ខែមីនា ឆ្នាំ២០២០ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យប្រោសព្រះរាជទានព្រះរាជក្រឹត្យ តែងតាំង និងកែសម្រួលសមាសភាពរាជរដ្ឋាភិបាល នៃព្រះរាជាណាចក្រកម្ពុជា ជារដ្ឋមន្ត្រីចំនួន៥រូប៕ ដោយ៖កូឡាប
