កំពង់ស្ពឺ ÷ នគរបាលខេត្តកំពង់ស្ពឺបើកប្រតិបត្តិការ ស្រាវជ្រាវករណីលក់សម្ភារៈ ឧបករណ៍តេស្ដឈាម ឆាប់រហ័ស រកមេរោគ កូរ៉ូណា (វីរុស កូវីដ១៩ )គ្មានការអនុញ្ញត ក្លែងក្លាយនៅតាមឱសថស្ថាន ទីតាំងពិនិត្យ ព្យាបាលជំងឺ នៅទូទាំងខេត្តកំពង់ស្ពឺ ។
នាព្រឹកថៃ្ងទី៣០ ខែមីនា ឆ្នាំ២០២០ គណៈកម្មការចម្រុះសុខាភិបាលចុះត្រួតពិនិត្យណែនាំដល់ម្ចាស់ឱសថស្ថាន ឱសថស្ថានរង គ្លីនិកសំរាកព្យាបាលជំងឺ នៅក្នុងភូមិសាស្ដ្រខេត្ដ ដឹកនាំសម្របសម្រួលដោយ លោក ខៃ សម្ជស្ស ព្រះរាជអាជ្ញារង អយ្យការ អមសាលាដំបូងខេត្ដកំពង់ស្ពឺ លោក វរសេនីឯក ហេង សំរេច នាយការិយាល័យ នគរបាលប្រឆាំងបទល្មើសសេដ្ឋកិច្ចខេត្ដ លោកវេជ្ជបណ្ឌិត តំណាងមន្ទីរសុខាភិបាលខេត្ត កងរាជអាវុធហត្ថខេត្ដ បានអនុវត្តន៍ចុះស្រាវជ្រាវ និងពិនិត្យតាមទីតាំងអាជីវកម្មលក់ថ្នាំ ឱសថស្ថាន ឱសថស្ថានរង គ្លីនិកសំរាកព្យាបាលជំងឺ រកឧបករណ៍ ធ្វើតេស្ដឈាមឆាប់រហ័ស រកមេរោគកូរូណា វីរុសកូវីត១៩ ដែលឈ្មួញទុច្ចរឹតបាននាំចូលមកក្នុងព្រះរាជាណាចក្រកម្ពុជាដោយគ្មានច្បាប់អនុញ្ញាតគ្មានបញ្ជិការនិងគ្មានការពិនិត្យទទួលស្គាល់ដោយអង្គការសុខភាពពិភពលោក WHO និងក្រសួងសុខាភិបាលកម្ពុជា ។
ឧបករណ៍តេស្ដឈាមឆាប់រហ័ស គឺជាផលិតផលក្លែងក្លាយ ដែលក្រុមឧក្រឹដ្ឋជនឆ្លៀតឱកាសធ្វើការបោកប្រាស់ ក្នុងដំណាក់កាលនៃការជ្រួលច្របល់ ស្ថានភាពកេីតជំងឺ Covid១៩ កំពុងតែរាតល្បាតនៅទូទាំងពិភពលោក លេីសពីនោះក្រុមឈ្មួញរកសុីបានឆ្លៀតតម្លេីងថ្លៃលេីមុខទំនិញ ដូចជា ម៉ាស់ ទឹកអាល់កុល មិនតែប៉ុណ្ណោះ មានការលក់ចរាចរណ៍ម៉ាស់ក្លែងក្លាយគ្មានគុណភាព ទឹកអាល់កុលក្លែងក្លាយ ជាដើម។
ក្រសួងសុខាភិបាល រាជរដ្ឋាភិបាលបានប្រកាសនិងចេញសេចក្ដីប្រកាសអំពីវិធានការផ្លូវច្បាប់ក្នុងករណីរកឃេីញ ឧបករណ៍តេស្ដឈាមឆាប់រហ័ស លេីមេរោគ covid 19 និងការលក់ម៉ាស់ក្លែងក្លាយ ទឹកអាល់កុលក្លែងក្លាយ និងការតម្លេីងថ្លៃខុសពីរតម្លៃទីផ្សា រាជរដ្ឋាភិបាលបញ្ជាអោយសមត្ថកិច្ច អនុវត្តន៍ផ្លូវច្បាប់ ធ្វើការដកហូតយកនិងកសាងសំណុំរឿងបញ្ជូនទៅតុលាការ ចាត់ការតាមនិតិវិធីច្បាប់ ដកហូតអាជ្ញាប័ណ្ណមិនអនុញ្ញាតឱ្យប្រកបមុខរបរអាជីវកម្មនេះអស់មួយជីវិត ដេីម្បីកុំឲ្យ ជនឱកាសនិយម បង្កភាពចលាចលក្នុងពេលប្រជាជនកំពុងរងគ្រោះដោយវិបត្ដិសាកល ៕ដោយ៖កូឡាប