ភ្នំពេញ៖ ឯកឧត្តម William Guang ប្រធានគណបក្សខ្មែរក្រោកនិងជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់បានលើកឡើងថារឿងអីអាជ្ញាធរវៀតណាម មានសិទ្ធិឆ្លងចូលដីខ្មែរមកហាមឃាត់ ចូលមកដេញពលរដ្ឋខ្មែរ មិនឲ្យ ធ្វេីស្រែនៅលេីដីខ្មែរ ? ក្រោយទទួលបានព័ត៌មានខ្ញុំបានចុះពិនិត្យភ្លាមៗចំពោះបញ្ហានេះដោយមិនបង្អង់យូរ។
ពាក់ព័ន្ធនឹងករណីខាងលើនេះនៅថ្ងៃទី 31 ខែមីនានេះនៅឆ្នាំ 2020 គណៈកម្មាធិការចម្រុះ កិច្ចការព្រំដែនសូមប្រកាសទាត់ចោលទាំងស្រុងចំពោះការផ្សព្វផ្សាយព័ត៌មានមិនពិត និងបំភ្លឺតាមការសរសេរបង្ហោះនៅលើអាខោនហ្វេសប៊ុក និងនៅលើគេហទំព័រ ឈ្មោះ William Guang កាលពីថ្ងៃទី២៥ខែមីនាឆ្នាំ២០២០ ដោយអត្ថាធិប្បាយ និងដាក់ចំណងជើងថា រឿងអីអាផ្ញាធរវៀតណាមមានសិទ្ធិឆ្លងចូលដីខ្មែរ មកហាមឃាត់ ចូលដេញពលរដ្ឋខ្មែរ មិនឲធ្វើស្រែនៅលើដីខ្មែរ?
គណៈកម្មាធិការចម្រុះ កិច្ចការព្រំដែន បានកត់សម្គាល់ឃើញថាក្នុងរយៈពេលចុងក្រោយនេះក្រុមចលាចលមួយក្រុមនិងគូកនមានចេតនាបានបង្កើតនិងប្រឌិតរឿងផ្សព្វផ្សាយនូវព័ត៌មានក្លែងក្លាយដោយចេតនាទុច្ចរិតក្នុងបំណងយកដីនៅតំបន់នោះធ្វើជាកម្មសិទ្ធិបុគ្គលឯកជនដោយបង្គាន់សាធារណៈមតិជាតិនិងអន្តរជាតិដោយធ្វើការចោទប្រកាន់មកលើការងារព្រំដែនរបស់រាជរដ្ឋាភិបាលអំពីការធ្វើឲ្យបាត់បង់ទឹកដីក៏ដូចជាការរំលោភបំពានទឹកដីពីប្រទេសជិតខាងតាមរយៈបង្កើតព័ត៌មានក្លែងក្លាយអំពីករណីពលរដ្ឋបាត់បង់ដីស្រែចម្ការនៅភូមិត្រពាំងថ្លុងឃុំត្រពាំងថ្លុងស្រុកពញាក្រែកខេត្តត្បូងឃ្មុំ។
គណៈកម្មាធិការចម្រុះកិច្ចការព្រំដែនសូមអំពាវនាវដល់ជនរួមជាតិទាំងក្នុងនិងក្រៅប្រទេសសូមមេត្តាកុំជឿនិងកុំចែកចាយរាល់ការបង្ហោះបោកប្រាស់របស់ជនអគតិមួយចំនួនដែលតែងតែបង្កើតព័ត៌មានក្លែងក្លាយក្នុងចេតនាទុច្ចរិតដើម្បីវាយប្រហារដល់កិច្ចការព្រំដែនរបស់រាជរដ្ឋាភិបាលហើយដែលសកម្មភាពទាំងអស់នោះអាចប្រឈមមុខនឹងផ្លូវច្បាប់។
ដីនៅតំបន់ដែលមានទីតាំងខាងលើមុនការបោះបង្គោលនិងខណ្ឌសីមាព្រំដែនគោករវាងប្រទេសកម្ពុជានិងវៀតណាមគឺស្ថិតនៅក្រោមការគ្រប់គ្រងរបស់អាជ្ញាធរវៀតណាមដែលបានដាំដុះដំណាំកៅស៊ូរហូតមកដល់បច្ចុប្បន្ន។ អាជ្ញាធរកម្ពុជាក៏ដូចជាពលរដ្ឋកម្ពុជាមិនបានគ្រប់គ្រងនិងដាំដុះអាស្រ័យផលនៅលើដីនៅតំបន់នោះឡើយ។
ពាក់ព័ន្ធការអាថាមានលិខិតចេញពីគណៈកម្មាធិការចម្រុះកិច្ចការព្រំដែនថាក្រោយពីបោះបង្គោលព្រំដែនរួចនឹងឲ្យដីមកបងប្អូនវិញនោះ គណៈកម្មាធិការចម្រុះកិច្ចការព្រំដែនសូមធ្វើការបដិសេធចោលទាំងស្រុងនៅការប្រឌិតព័ត៌មានក្លែងក្លាយនេះ។ ជាគោលការណ៍ក្នុងការធ្វើព្រំដែនរាជរដ្ឋាភិបាលកម្ពុជាតែងតែបញ្ជាក់ហើយបញ្ជាក់ទៀតថានឹងរក្សាទុកដីឲ្យប្រជាពលរដ្ឋដែលបាននិងកំពុងគ្រប់គ្រងអាស្រ័យផលទាំងនោះឲ្យបន្តការគ្រប់គ្រងនិងកាន់កាប់បង្កបង្កើនផលដដែល។ រាជរដ្ឋាភិបាលគ្មានគោលការណ៍សងដីឲ្យពលរដ្ឋវិញក្រោយការបោះបង្គោលព្រំដែនដូចការលើកឡើងរបស់ជនខិលខូចនោះឡើយ។
លោកប្រធានគណបក្សខ្មែរក្រោក បានលើកឡើងថានេះជាវីឌីអូដែលទាហានវៀតណាមឆ្លងព្រំដែនចូលមកកម្ពុជាឆ្កាងដៃឆ្កាងជេីងដេីម្បីដេញពលរដ្ឋខ្មែរលេីទឹកដីខ្មែរ ។
វីឌីអូនេះជាមូលដ្ឋានបង្ហាញសាធារណជនជុំវិញ ផេកផ្លូវការរបស់ស្នងការខេត្តត្បូងឃ្មុំដែលបាន មួលបង្កាច់ដោយចេតនាក្នុងការបំភ្លៃអង្គហេតុ លេីបេសកកម្មរបស់ឧត្តមក្រុមប្រឹក្សាពិគ្រោះនិងផ្ដលយោបល់ ថាបង្ហាញព័ត៌មានក្លែងក្លាយ ។
ជាពិសេសកាលពីម្សិលមិញនេះ យេីងមានលិខិតបេសកកម្ម មានកំណត់ហេតុ មានមន្ត្រីអង្កេតការរបស់រាជរដ្ឋាភិបាល២រូប គឺមន្ត្រីលេខាធិការដ្ឋានរបស់ឧត្តមក្រុមប្រឹក្សាពិគ្រោះនិងផ្ដល់យោបល់ ដែលបានចូលរួមសង្កេតការផងដែរ ។
ករណីនេះមិនមែនជាករណីនយោបាយនោះទេ តែវាជាករណីស្ដីពីភាពអសកម្មរបស់មន្ត្រីមួយចំនួនដែលឈរជើងតាមបន្ទាត់ព្រំដែន និងភាពអសកម្មរបស់មន្ត្រីពាក់ព័ន្ធដែលមិនព្រមដោះស្រាយដីធ្លីស្រែចំការឲ្យពលរដ្ឋដេីម្បីអាស្រ័យផលវិញ ទោះបង្គោលព្រំដែនបានបោះរួចចប់សព្វគ្រប់។
រឿងអីអាជ្ញាធរវៀតណាម មានសិទ្ធិឆ្លងចូលដីខ្មែរមកហាមឃាត់ ចូលមកដេញពលរដ្ឋខ្មែរ មិនឲ្យធ្វេីស្រែនៅលេីដីខ្មែរ ? ក្រោយទទួលបានព័ត៌មានខ្ញុំបានចុះពិនិត្យភ្លាមៗចំពោះបញ្ហានេះដោយមិនបង្អង់យូរ ខណៈដែលខ្ញុំនិងក្រុមការងារជំនាញកំពុងចែកម៉ាស់ចែកអាកុលតាមមូលដ្ឋានផ្ទុះជំងឺកូវីដ១៩ស្រាប់។
ករណីនេះស្ថិតនៅភូមិត្រពាំងថ្លុង ស្រុកពញាក្រែក ខេត្ត ត្បូងឃ្មុំ ដែលពលរដ្ឋអះអាងថាដីគាត់បានធ្វេីជាយូរហេីយ តែដោយមិនទាន់មានបន្ទាត់ព្រំដែន នឹងជាតំបន់សផង ពួកគាត់មិនអាចចូលធ្វេីអីបានទេដោយទុកលទ្ធភាពអោយវាស់ព្រំដែនឲ្យ រួចរាល់សិន ជាពិសេស លោក វ៉ា គឹមហុង បានបញ្ជាក់ហេីយថានឹងផ្ដល់ដីអោយពលរដ្ឋវិញក្រោយកំណត់បង្គោលព្រំដែនច្បាស់លាស់ ។ តែឥលូវនេះបង្គោលព្រំដែនវាស់ច្បាស់លាស់ហេីយតែអាជ្ញាធរខេត្តនៅតែមិនទាន់ដោះស្រាយបញ្ហានេះជូនពួកគាត់នៅឡេីយ ជាពិសេសដីស្រែចំការរបស់គាត់ គាត់មិនអាចធ្វេីអ្វីបានទេ ទោះឈរក៏ឈរពុំបានដែរ ព្រោះអាជ្ញាធរវៀតណាម ឆ្លងចូលទឹកដីខ្មែរដេញពួកគាត់តែម្ដង ពេលខ្លះអាជ្ញាធរខ្មែរបានត្រឹមឈរមេីលអាជ្ញាធរវៀតណាមដេញពលរដ្ឋខ្លួនដោយពុំមានប្រតិកម្មអ្វីទាំងអស់ដេីម្បីជាកិច្ចឆ្លេីយតបចំពោះភារកិច្ចការពារតម្លៃនៃអធិបតេយ្យភាពរបស់ខ្លួន ។
ក្រោយចប់ស្ថានភាពនៃបញ្ហាជំងឺកូវីដ១៩ ខ្ញុំនឹងរៀបចំរបាយការណ៍ជូនរដ្ឋាភិបាលពិនិត្យលេីករណីនេះ ។ ព្រោះសូម្បីគោលនយោបាយរដ្ឋាភិបាលក៏គាំទ្រពលរដ្ឋឲ្យ រស់តាមបន្ទាត់ព្រំដែននឹងធ្វេីស្រែចំការតាមបណ្ដោយបន្ទាត់ព្រំដែនដែរ៕ ដោយ៖កូឡាប
