ភ្នំពេញ៖បន្ទាប់ពីទទួលបានខំមិនរបស់ប្រជាពលរដ្ឋថាមានមនុស្សមួយក្រុមកំពុងផឹកសុីបង្កសម្លេងរំខាន នគរបាលខណ្ឌបឹងកេងកង បានចុះដល់គោលដៅភ្លាមៗ ដេីម្បីធ្វេីការណែនាំ អប់រំ និងឲ្យបញ្ឈប់ជាបន្ទាន់រាល់សកម្មភាពបង្កសម្លេងអ្នកជិតខាង ។
សងការដ្ឋាននគរបាលរាជធានីភ្នំពេញនៅយប់ថ្ងៃទី 31 ខែមីនា បានលើកឡើងថារាល់ខំមិនដែលជាបញ្ហាប្រឈមរបស់ប្រជាពលរដ្ឋតែងតែត្រូវបានដោះស្រាយជូនភ្លាមៗ ទោះជាពេលណាក៏ដោយ ។
នគរបាលរាជធានីភ្នំពេញបានបញ្ជាក់បន្ថែមថា បន្ទាប់ពីទទួលបានខំមិនរបស់ប្រជាពលរដ្ឋថាមានមនុស្សមួយក្រុមកំពុងផឹកសុីបង្កសម្លេងរំខាន នៅចំណុចផ្លូវលេខ១៤៣កែង២៨៩ ចូលផេកស្នងការនគរបាលរាជធានីភ្នំពេញភ្លាម ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានផ្តល់ព័ត៌មានទៅអធិការខណ្ឌបឹងកេងកង ភ្លាមៗនោះដោយមានការបញ្ជាដឹកនាំផ្ទាល់របស់លោកវរសេនីយ៍ទោ សុឹម ពិសិដ្ឋ អធិការនគរបាលខណ្ឌបឹងកេងកង បានចុះដល់គោលដៅភ្លាមៗ ដេីម្បីធ្វេីការណែនាំ អប់រំ និងឲ្យបញ្ឈប់ជាបន្ទាន់រាល់សកម្មភាពបង្កសម្លេងអ្នកជិតខាង ។
បើតាមការលើកឡើងរបស់ផេកហ្វេសប៊ុកស្នងការនគរបាលរាជធានីភ្នំពេញមិនមែនជាករណីទីមួយឬក៏ជាករណីចុងក្រោយនោះទេគឺនគរបាលនៅទូទាំងរាជធានីភ្នំពេញបានចុះអប់រំណែនាំនិងបញ្ឈប់ចំពោះក្រុមផឹកស៊ីចាក់ធុងបាសរំខានដល់អ្នកជិតខាងកណ្ដាលយប់ ពីព្រោះថាប្រជាពលរដ្ឋធ្វើការហត់នឿយក្នុងពេលថ្ងៃលុះយប់ឡើងត្រូវការសម្រាកដើម្បីយកកម្លាំងបន្តការងារនៅថ្ងៃស្អែកបន្តទៀតប៉ុន្តែសម្រាន្តមិនលក់ដោយសារតែមានក្រុមអាណាធិបតេយ្យផឹកស៊ីស្រែកឡូឡាចាក់ធុងបាសនៅក្បែរផ្ទះ ទើបសម្រេចចិត្តប្ដឹងសមត្ថកិច្ចឱ្យចុះណែនាំក្រុមផឹកស៊ីកុំឲ្យប្រព្រឹត្តលើកក្រោយទៀត៕ ដោយ៖កូឡាប
