ភ្នំពេញ ៖ សម្តេចនាយករដ្ឋមន្ត្រី នៅថ្ងៃទី១ ខែមេសា ឆ្នាំ២០២០នេះ បានបង្វែប្រាក់បៀវត្សរ៍ ចំនួន៧ខែ ជូនដល់គណៈកម្មការជាតិប្រយុទ្ធជំងឺកូវីដ១៩។ សូមបញ្ជាក់ថា ប្រាក់ខែសម្តេចនាយករដ្ឋមន្ត្រីកម្ពុជា មានចំនួន១០លានរៀល ក្នុង១ខែ។
សម្តេចតេជោ ហ៊ុន សែន ក៏បានផ្ញើសារជូន លោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និង លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ។
សម្តេច បានបញ្ជាក់ថា ដោយសារស្ថានភាពនៃការវិវឌ្ឍជំងឺកូវីដ១៩នៅកម្ពុជា នៅមិនទាន់បង្ហាញសញ្ញាថមថយណាមួយនោះឡើយ ខ្ញុំសូមសម្តែងនូវសមានចិត្ត តាមរយៈការស្ម័គ្រចិត្ត ជូនទៅគណៈកម្មាធិការប្រយុទ្ធប្រឆាំងនឹងជំងឺកូវីដ១៩ នូវប្រាក់បៀវត្សរ៍របស់ខ្ញុំ ជានាយករដ្ឋមន្ត្រី ចំនួនស្មើនឹង ៧ ខែ គឺរាប់ចាប់ពីខែមីនា រហូតដល់ខែកញ្ញា ឆ្នាំ២០២០។
សម្ដេចតេជោ បានស្នើសូមឲ្យឯកឧត្តមឧបនាយករដ្ឋមន្ត្រី រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ ធ្វើការបង្វែរប្រាក់បៀវត្សរ៍ របស់សម្ដេច ដូចបានជម្រាបជូនខាងលើ បញ្ចូលទៅក្នុងគណនេយ្យរបស់គណៈកម្មាធិការជាតិប្រយុទ្ធនឹងជំងឺ កូវីដ១៩ តាមការគួរ៕ដោយ៖កូឡាប
