សេចក្តីព្រាងផែនការសកម្មភាព សម្រាប់តភ្ជាប់ សេដ្ឋកិច្ច កម្ពុជា-ឡាវ វៀតណាម(CLV) ជាពិសេសផែនការទាក់ទងនឹងធនធានធម្មជាតិ នៅ ទីស្តីការក្រសួងបរិស្ថានថ្ងៃ ទី១៧ ខែមករា ឆ្នាំ២០១៨ ដែល អ៊ាង សុផល្លែត អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំ នេះ។
លោក អ៊ាង សុផល្លែត ដឹកនាំកិច្ចប្រជុំស្តីពីសេចក្តីព្រាងផែនការ ដែលមានការចូលរួមពីមន្ត្រីជំនាញនៃអគ្គលេខាធិការដា្ឋនក្រុមប្រឹក្សាជាតិអភិវឌ្ឍន៍ដោយចីរភាព និងអគ្គនាយកដ្ឋានរដ្ឋបាលការពារ និងអភិរក្សធម្មជាតិ មានគោលបំណងដើម្បីពិនិត្យ ទទួលធាតុចូល និងកែសម្រួលលើសេចក្តីព្រាងផែនការសកម្មភាព សម្រាប់តភ្ជាប់ សេដ្ឋកិច្ច កម្ពុជា-ឡាវ-វៀតណាម( CLV) ជាពិសេសផែនការទាក់ទងនឹងធនធានធម្មជាតិ បរិស្ថាន និងការឆ្លើយតប នឹងការប្រែប្រួលអាកាសធាតុ ឱ្យស្របទាំងក្នុងក្របខណ្ឌច្បាប់ គោលនយោ បាយ បច្ចេកទេស និង មានលទ្ឋភាពអនុវត្តបានមុនការពិភាក្សាម្តងទៀតជាមួយភាគី ឡាវ និងវៀតណាម នៅថ្ងៃទី២៨ ដល់៣០ ខែមករា ឆ្នាំ២០១៨ ខាងមុខនេះនៅខេត្តក្រចេះ៕ ដោយ៖បញ្ញាស័ក្តិ
