ភ្នំពេញ៖ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យប្រោសព្រះរាជទានព្រះរាជសារ ក្នុងឱកាសបើកបវេសនកាល នៃរដ្ឋសភា សម័យប្រជុំរដ្ឋសភាលើកទី៤ នីតិកាលទី៦ នៅថ្ងៃទី២ ខែមេសា ឆ្នាំ២០២០។
ព្រះរាជសាររបស់អង្គព្រះមហាក្សត្រ បានឲ្យដឹងថា រដ្ឋសភាពដ៏ឧត្តុង្គឧត្តម ក្នុងនាមស្ថាប័ននីតិប្បញ្ញត្តិ បានបំពេញតួនាទីរបស់ខ្លួន យ៉ាងសកម្ម ប្រកបដោយប្រសិទ្ធភាព ក្នុងនោះរួមមាន ការអនុវត្តតួនាទី ការងារនីតិកម្ម ធ្វើជាតំណាងប្រជាពលរដ្ឋ ដែលជាម្ចាស់ឆ្នោត និងការងារចុះពិនិត្យតាមដាននូវការអនុវត្តច្បាប់ នានា នៅគ្រប់មជ្ឈដ្ឋានសុទ្ធតែបានបំពេញប្រកបដោយភាព ជោគជ័យជាច្រើនគួរឲ្យគត់សម្គាល់។
ទួលព្របង្គំ ខ្ញុំព្រះករុណា ខ្ញុំសូមកោតសរសើរ និងអរគុណដ៏ជ្រាលជ្រៅ ចំពោះសម្តេចអគ្គមហាពញាចក្រី ហេង សំរិន ប្រធានរដ្ឋសភា ឯកឧត្តមបណ្ឌិត អនុប្រធានទី១ នៃរដ្ឋសភា លោកជំទាវកិត្តិសង្គហបណ្ឌិតអនុប្រធានទី២នៃរដ្ឋសភា ឯកឧត្តម លោកជំទាវជាប្រធានគណៈកម្មការ និងសមាជិក សមាជិកានៃរដ្ឋសភាទាំងអស់ ដែលបានខិតខំយកអស់កម្លាំងកាយចិត្ត ក្នុងការពិនិត្យសិក្សាសេចក្តីព្រាងច្បាប់នានា ដើម្បីឲ្យច្បាប់ទាំងនោះ ពង្រីកសក្តានុពល ប្រសិទ្ធភាព ការងារឲ្យបានទូលំទូលាយ នាយុកបច្ចុប្បន្ន។
ជាមួយរដ្ឋសភា បានប្រឹងប្រែងយ៉ាងសកម្ម ក្នុងការចុះតាមដាននូវសុខទុក្ខ ទទួលយកនូវរាល់បញ្ហាកង្វល់ និងបញ្ហាប្រឈមនានា របស់ប្រជាពលរដ្ឋ ដែលពេលនេះ កិច្ចគាំពារ សន្តិសុខសង្គមកំពុងត្រូវបានលើកស្ទួយ ក្នុងន័យឲ្យប្រជាពលរដ្ឋទាំងមូលទទួលនូវអត្ថប្រយោជន៍ស្នើៗគ្នា។
ទួលព្រះបង្គំ ខ្ញុំព្រះករុណា ខ្ញុំសូមកោតសរសើរយ៉ាងក្រៃលែង ចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជាមគ្គុទ្ទេសក៍ដឹកនាំប្រទេសប្រកបដោយភាពឈ្លាសវៃ ប្រកាន់ខ្ជាប់នូវគោលនយោបាយ ជាតិដ៏ត្រឹមត្រូវ ធានាបានឯករាជ្យ និងអធិបតេយ្យភាពជាតិ គឺជាអ្វីដេលជនរួមជាតិខ្មែរទាំងមូលប្រាថ្នាចង់បាន ដើម្បីរស់នៅប្រកបដោយភាពស្មើមុខស្មើមាត់ សុខដុមរមនា ស្ថិរភាព និងសន្តិភាពយូរអង្វែង។ សកម្មភាពមនុស្សធម៌ដ៏ធំធេង និងមិនរើសអើងពូជសាសន៍ របស់សម្តេចប្រមុខរាជរដ្ឋាភិបាលកម្ពុជា គឺជាកាយវិការដ៏ល្អ ប្រពៃបំផុត សម្រាប់ការគោរពពីជនរួមជាតិ និងពិភពលោកទាំងមូល៕ដោយ៖កូឡាប
